Albistea entzun

Literatura

Joseba Sarrionandiak jasoko du Euskadi Literatur saria saiakeraren arloan

Eusko Jaurlaritzak ohar baten bidez ez dagoela ados jakinarazi du. Sariari dagokion dirua "saridunak justiziaren aurrean bere egoera erregulatu artean" atxiki egingo duela iragarri du. Epaimahaiak denborarekin klasiko bat bihurtu daitekeela iritzi dio.

Berria -

2011ko urriak 3

Joseba Sarrionandiak (Iurreta, 1958) jaso du 2011ko Euskadi Literatur saria. Gaur goizean ezagutarazi dute erabakia, eta horren berri izan bezain laster Eusko Jaurlaritzak ohar batean adierazi du ez dagoela ados erabakiarekin. Moroak gara behelaino artean? liburuagatik saritu dute Sarrionandia, eta epaimahaiak ondokoagatik saritu du: "Edukien aldetik, oso ondo egitaratuta, ondo garatzen dira ideiak, formalki oso sendoa, lan handia, oso dokumentatuta. Originaltasuna, urteak pasako dira eta euskal kulturan klasiko bat bihurtu daitekeen lana. Ate asko zabaltzen dituen lana, kontsultarako ere baliagarria. Diskurtso ugaritasuna, eta era berean azpimarratzekoa ere bada pentsaera nagusitik kanpoko ikuspegi ezberdinak eskeintzeko ahalegina. Kultura aniztasunaren aldeko aldarria. Azkenik, edizio lan handia dago atzean, titulu sugerentea, argazkiz eta azalpenez betetako lana".

Jaurlaritzak bere oharrean dio errespetatzen duela epaimahaiaren irizpide askatasuna eta ez duela idazlearen literatur balioa zalantzan jartzen. "Dena dela, Eusko Jaurlaritzak, legea betetzeko eta terrorismoa irmoki arbuiatzeko daukan konpromisoarekiko koherentziaz, oztopo larriak ditu berak babesten eta diruz hornitzen duen saria horrelako pertsona bati eman dakion, hau da, ETA organizazio terroristako kide izateagatik kondenatua izan den, kartzelatik ihes egin duen, 1985az geroz leku ezezagunean den eta bere militantziaz sekula damutu ez den pertsona bati". Sariari dagokion dirua "saridunak justiziaren aurrean bere egoera erregulatu artean" atxiki egingo duela iragarri du.

Gainerako sarien berri ere eman du Jaurlaritzak. Euskarazko literatura itzulpen saria Karlos Zabala Oiartzabalek jaso du, Zubi bat Drinaren gainean lanagatik (Elkar). Literatura lanaren ilustrazioaren atalean Iban Barrenetxeak jaso du Euskadi saria, Bombastica Naturalis lanagatik (A buen paso). Gaztelerazko saiakeraren arloan Iñaki Uriarte Cantollak izan da irabazlea, Diarios 1999-2003 lanagatik (Pepitas de calabaza).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.