Albistea entzun

Mundua

Hiru lagun hil dira Italian, itsas bidaldi batean ontziak hondoa jo eta albo batera erorita

'Costa Concordia' izena du ontziak, eta Savonatik Civitavecchiara zihoala izan du istripua, Giglio uhartetik gertu. 50 lagun inguru desagertuta dira harrezkero. "Titanicen geundela zirudien", esan du bidaiarietako batek.

Berria -

2012ko urtarrilak 14

Hiru lagun hil ziren atzo gauean Italian, Giglio uhartetik gertu itsas bidaldi bateko ontziak hondoa jo eta albo batera erorita, Tirreno itsasoan. 4.229 bidaiari zihoazen ontzian, eta desagertutakoak 50 inguru dira Giglioko Poliziaren arduradunek esan dutenez. Costa Cruceros konpainiarena da ontzia, eta Italian geldialdiak egiteaz gain, Marseillan (Frantzia) eta Bartzelonan eta Palman (Herrialde Katalanak) ere gelditzekoa zen.

Ontziak Costa Concordia du izena, eta Mediterraneoko itsas bidaia ari zen egiten, Savonatik Civitavecchiara zihoala hondoa jo duenean. Ondorioz, 80 gradu erori da. 21:30ak ziren, eta bidaiari gehienak afaltzen ari ziren. Lekukoen arabera, kolpe handi bat izan da, eta argia joan da.

"Kaosa erabatekoa zen. Ontzia okertzen hasi zen, eta bat bestearen gainera erortzen hasi ginen, batzuk besteak zaurituz", esan du bidaiarietako batek. Beste lekuko batzuek diote sirena hotsak entzun zirela, inguruetako arrantzontzienak, baina ez zekitela une horretan zergatik ari ziren.

"Amesgaiztoa izan da. Titanicen geundela zirudien, eta hil egingo ginela uste genuen", esan dute Silvana Caddeok, Ignazio Deiddak eta Mirella Cordak. Jendea garrasika ari zela gaineratu dute, eta haurrak, negarrez. Ontzia okertzen hasi zenean zenbait bidaiarik uretara salto egin zutela esan dute.

Beste bidaiari batzuek salatu dute erreskate lanak oso motel joan zirela eta ordu eta erdi behar izan zutela bidaiariak ateratzeko. Yuri Selvaggik kontatu du izua zela nagusi, eta bere familia eraman zuen salbamendu ontzia iraultzekotan izan zela. Agintariek ikerketa bat agindu dute.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©CECILIA VALDEZ

«Hautagaiok ez dituzte aintzat hartzen indigenen eskakizun historikoak»

Cecilia Valdez

Ekuadorko presidentetzarako bozen lehen itzulian iruzurra izan zela salatu zuen Perezek, baina entzungor egin zion hauteskunde batzordeak. Gaur egingo duten bigarren itzulian baliogabe bozkatzeko eskatu du mugimendu indigenak.
Hilkutxa bat, Chauvin epaitzen ari diren auzitegiaren aurrean, Minneapolisen (Minnesota, AEB). ©ALEX SEGURA / EFE

Floydena «giza hilketa bat» izan zela berretsi du auzi medikuak

Iosu Alberdi

Epaiketan, aditu batek nabarmendu du egoerak «estres fisiologikoa» eragin ziola biktimari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna