Albistea entzun

euskal herria

Txillardegiren inguruko jardunaldiak antolatu dituzte Donostian, hilaren 12rako

Euskararen Gizarte Erakundeen Kontseiluak eta Batzen elkarteak aurkeztu dituzte, gaur. Liburutegi Nagusiko sotoan izango da, eta Jose Luis Alvarez Enparantza 'Txillardegi'-k egindako lana ekarriko dute gogora.

Jardunaldien aurkezpena.
Jardunaldien aurkezpena. / Kontseilua.

Berria -

2012ko maiatzak 3 17:23

Euskararen Gizarte Erakundeen Kontseiluak eta Donostiako euskalgintza biltzen duen Batzen elkarteak Jose Luis Alvarez Enparantza Txillardegi eta haren lana gogora ekartzeko jardunaldiak aurkeztu dituzte gaur. Maiatzaren 12an izango dira, larunbatarekin, Donostiako Liburutegi Nagusiko sotoan.

Jardunaldien hastapenean Iñaki Lasa Kontseiluko kideak Txillardegik euskararen normalizazio prozesuari egindako ekarpen nagusiaz hitz egingo du, eta, horren ondotik, Imanol Esnaolak glotopolitikan egindako ekarpenak ekarriko ditu gogora.

Xabier Isasi Txillardegik hizkuntzen erabilera aztertzeko proposatu zuen eredu matematikoaz ariko da, eta Urko Aiartzak beste hizkuntza batzuen normalizazio prozesuen gainean idatzi zituenak laburbilduko ditu. Jardunaldien amaieran, EHE Euskal Herrian Euskaraz-eko Unai Larreategik eta Bagera-ko Dani Goñik ere hitzaldia emango dute, euskalgintzak euskararen normalizazio prozesuan izan beharko lukeen rolaren inguruan.

Euskararen normalizazioari Txillardegik egindako ekarpena "handia" izan dela azpimarratu dute gaur egindako agerraldian. Horregatik euskalgintza harekin "zorretan" dagoela azaldu dute.

Jardunaldietan parte hartzeko honako bide hauetatik eman daiteke izena: telefonoz 943-59 12 00 edo 0559-59 49 48 zenbakietara deituta edo idazkaritza@kontseilua.org helbidera idatzita.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna