Espainiako Barne ministroak baztertu egin du ETAren eskaintza

2012ko maiatzak 16 15:08

Jorge Fernandez Diaz Espainiako Gobernuko Barne ministroak baztertu egin du ETAk "elkarrizketa zuzena" abiatzeko egindako eskaintza. Fernandez Diazek esan du exekutiboak ez duela negoziatuko ETArekin, eta honen desegitea eskatu du.

"Armak entregatzeko ez dago elkarrizketa beharrik", adierazi du Barne ministroak, Kongresuan, eta gaineratu du ez dagoela nazioarteko egiaztatzaileen beharrik ere, horretarako Espainiako Polizia eta Guardia Zibila nahikoa direla iritzita.

Hain zuzen, Iñaki Antiguedad Amaiurreko diputatuak euskal presoen inguruan egindako galdera bati erantzunez egin ditu adierazpenok Fernandez Diazek.

Frantziaren "elkartasuna" Espainiarekin

Bernard Valero Frantziako Atzerri Ministerioko bozeramaileak adierazi du "Euskal Herrian indarkeriaren amaiera bermatzeko Espainia egiten ari den lanarekiko elkartasuna" agertzen dutela eurek.

Europako Batzordeak uko egin dio ETAren agiriari erantzuteari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut