Erietxetik kontrako botoa

Francisco Hernando epailea erietxean zegoen, ebakuntza bategatik, baina haren botoa aintzat hartu du auzitegiak.

2012ko ekainak 20

Francisco Hernando Auzitegi Konstituzionaleko epaileari asteartean ebakuntza egin zioten, erietxean zegoen, baina Sorturen legeztatzeari buruzko bilkuran haren botoa aintzat hartu du auzitegiak, aurreko asteetako deliberazioetan parte hartu zuela argudiatuta. Kontrako botoa eman du Hernandok, Efe berri agentziaren arabera

Francisco Perez de los Cobos, Ramon Rodriguez Arribas, Javier Delgado eta Manuel Aragon dira aurka bozkatu duten beste magistratuak. Alde agertu dira Pascual Sala Konstituzionaleko presidentea, Eugeni Gay presidenteordea, Luis Ortega, Pablo Perez Tremps, Adela Asua eta Elisa Perez Vera —azken horrek egin zuen ponentzia—.

Auzitegiak esan du hurrengo egunetan jakinaraziko duela sententzia, osorik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna