komunikazioa

Mikel Agirrek uko egin dio EITBko zuzendari nagusi izateko hautagaitzari

Etzi izendatu behar zuen Eusko Legebiltzarrak, baina, "arrazoi pribatuak tarteko", uko egin dio zuzendari izateari.

Mikel Agirre.
Mikel Agirre. / EITB.

Berria -

2013ko otsailak 26

Mikel Agirrek, gaur arte EITBko zuzendari nagusi izateko hautagaia zenak, uko egin dio hautagaitza horri. Arrazoi pribatuak direla medio egin dio uko Agirrek hautagatzari. Horrelaxe adierazi die Eusko Jaurlaritzako Hezkuntza, Hizkuntza Politika eta Kultura sailburuari eta talde politikoei. Etzi ziren Eusko Legebiltzarrean izendapen hori baieztatzekoak. Izan ere, iragan otsailaren 18an EAJ eta PSE-EE alderdiek Agirreren hautagaitza babesteko akordio bat egin zuten. EITBko administrazio kontseiluko hemeretzi kideak izendatzekoak ere baziren etziko Legebiltzarreko saioan.

Eragile sozialei eta komunikabideei esker ona adierazi die Agirrek, haiengatik jasotako errespetu eta begiruneagatik. Era berean, erabaki hori errespetuz jasoko dela espero du.

Eusko Jaurlaritzak esan du "errespetatu" egiten duela Agirreren erabakia. Josu Erkoreka Eusko Jaurlaritzako bozeramaileak esan du, Agirrerenak zuen bezainbesteko adostasunarekin, datozen egunotan beste izendapen bat egiteko moduan egotea espero dutela.

EITBko zuzendari izateko prozesua abiatuko beharko du berriz ere Jaurlaritzak. Bi aukera ditu: prozesua hutsetik hastea, EITB barneko edo kanpoko hautagai berri bat aurkeztuta; edo Agirreren zuzendaritza taldekoa izan behar zuenetako bat proposatzea hautagai.

PSE-EEk ohar baten bidez Jaurlaritzari dei egin dio "berehala" proposamen bat egiteko EITBko zuzendaritzarako, "adostasunetik, pluraltasunetik eta Euskadiko irrati-telebistaren eredu publikoarenganako errespetutik". Nabarmendu du langileek eta herritarrek "ziurtasuna" izan behar dutela gobernuak proposatzen duen proiektuaren gainean, baita horren gidaritzan egongo direnen gainean ere. 

EH Bilduko Laura Mintegik adierazi du "hasieratik gaizki egindako prozesu baten porrota" dela. Haren ustetan, irrati-telebistaren ereduaz hitz egin beharrean zuzendaritzako pertsona bat aukeratzen hasi ziren.

Hala ere, uste du aukera berri bat zabaltzen dela, eta prest agertu da negoziatzeko.

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osakidetzako protesta, atzo, Donostiako Amara Berriko osasun zentroaren aitzinean. ©GORKA RUBIO / FOKU

Osakidetzako «sakoneko arazoei» heltzeko eskatu dute sindikatuek

Maddi Ane Txoperena Iribarren

Protestak egin dituzte lehen arretako zentroetan. Langile gehiago eskatu dituzte, eta murrizketetan «galdutakoa berreskuratzea». Osasun Sailak dio «benetako konpromisoa» duela «sendotzeko»

Ikasgela huts bat Hernanin, artxiboko irudi batean. ©JON URBE / FOKU

Gero eta ikasle gehiago daude bakartuta ikastetxeetako kasuengatik

Uxue Rey Gorraiz

Jaurlaritzak esan du 80 ikasgela gehiago itxi dituela; ia 300 daude itxita Hegoaldean. Nafarroak laguntza emozionala emanen die ikasleei

Musukoek begiak estaltzen dituzten garai hauek
PCR probak, Gurutzetako ospitalean. ©Luis Jauregialtzo, FOKU

Gutxitu egin dira egun bakarrean atzemandako kasuak

Uxue Rey Gorraiz

Beste 793 positibo detektatu dituzte Hegoaldean, aurreko egunean baino 14 gutxiago. Ospitaleratzeek ere behera egin dute: 56 gaixo erietxeratu dituzte azken egunean. Hiru gaixo zendu dira, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna