Albistea entzun

KOMUNIKAZIOA

Gaurko saioarekin zortzi denboraldiko ibilbidea etengo du 'Mihiluze'-k

'Biba Mihiluze' saioan, Realeko Asier Illarramendi eta Iñigo Martinezek, 'Goenkale'-ko Maitena Salinas eta Miren Gaztañagak, eta Abel Barriola eta Inaxio Perurena leitzarrek parte hartuko dute.

Azken saioko parte hartzaileak.
Azken saioko parte hartzaileak. / EITB

Berria -

2013ko maiatzak 15 11:57

Zortzi denboraldi, 1.117 saio eta 2.400 lehiakidetik gora. Euskara jostagarri egin duen telebista saio honek gaur agurtuko ditu ikus-entzuleak. Saio “indartsua” izango da, Kike Amonarriz Mihiluze-ko zuzendari eta aurkezlearen hitzetan. Ilaski Serrano aurkezlea lagun, eukaraz jolasteko hamaika modu badaudela erakutsi dute.

Punta-puntako lehiakideak izango ditu agur saioak: Realeko Asier Illarramendi eta Iñigo Martinez, Goenkale-ko Maitena Salinas eta Miren Gaztañaga, eta Abel Barriola eta Inaxio Perurena leitzarrak lehiatuko dira. Ez dira bakarrik egongo. Aitziber Garmendia, Asier Hormaza eta Sara Cozar aktoreen laguntza izango dute Mihiluzeko Ginkana osatzeko.

Horrez gain, saioko historiaren unerik hunkigarrienak eta dibertigarrienak gogoratuko dituzte, eta saioa barrutik nola egiten den erakutsiko dute. Ikus-entzuleak ere sarituko dituzte; finalera zein bikote iritsiko den asmatuko duenak zakua irabaziko du.

2006ko otsailaren 2an estreinatu zuten Mihiluze, eta ordutik sari eta aitortza ugari jaso ditu. 2008. urtean, Argia saria eman zioten, eta 2011n, 17. Korrikaren mezua irakurri, eta azken kilometroan lekukoa eraman zuten Kike Amonarrizek eta Ilaski Serranok. Telebistatik at ere bidea egin du saioak. 2009. urtean Mihiluze-ri buruzko EHUko udako ikastaro berezia antolatu zuten Donostian. Gainera, mahai joko eta ordenagailuko joko bihurtu da, eta herri askotako festetan antolatu dituzte Mihiluze-ak. ETBtik kanpo ere arrakasta eduki du lehiaketak: Kataluniako TV3n Bocamoll bertsioak lau denboraldi egin zituen. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna