Noiz sortua: 2013-05-25 18:49:50

Politika

Erabakitzeko eskubidearen aldeko herritarren plataforma bat aurkeztuko dute ekainaren 8an, Ficoban

Gure Esku Dago izena eman diote plataformari, eta herritarren esku hartzea sustatu nahi du eta erabakitzeko eskubidearen aldeko sare zabala sortu.

Aitziber Laskibar Lizarribar -

2013ko maiatzak 25

Zabala eta herritarrek sortua izan nahi du Gure Esku Dago plataformak. Herritarrek elkarlanean sortutako gizarte sarea. Euskal Herri mailakoa. Hain zuzen, Gipuzkoako Goierrin abiatu, eta, besteak beste, Gazta zati bat dokumentalak utzi duen eredua oinarri hartuta, Euskal Herri osora zabaldu nahi du.

Ekainaren 8an aurkeztuko dute plataforma Irungo Ficoba azokan, eta aurkezpena bera zabala izango da; pentsaera eta jatorri askotako herritar askok egina. Horixe irudikatu du aurkezpenaren berri emateko ekitaldiak ere. Euskal Herriko txoko eta eremu ugaritako 40 bat lagunek egin dute deia. Bertan izan dira, besteak beste, Angel Oiarbide eta Ander Arrese, Nazioen Mundua herri mugimenduko kideak; Zelai Nikolas, legelaria; Manu Gomez eta Imanol Goirigoizarri, Etxarri eta Mungiako hautetsi izanak; Kirmen Uribe, idazlea, eta Kepa Junkera idazle eta musikaria. Guztiak maila pertsonalean, herritar gisa.

Ekimena sustatzeko kantaren egileak dira Uribe eta Junkera. Idazleak egindako hitzei Junkerak eta Eñaut Elorrietak jarri diete musika. Baina elkarlanaren erakusgarri, 23 musikarik hartu dute parte erabakitzeko eskubidearen aldeko kantan. Horien artean dira Pantxoa eta Pello, El Drogas, Doctor Deseoko Francis, Xabi Solano, Erramun Martikorena, Antton Valverde, Ines Osinaga, Aiora Errenteria, Jose Inazio Ansorena, Xabier Berasaluze Leturia eta Juan Mari Beltran, besteak beste. Kanta eta bideoklipa ere ekainaren 8ko ekitaldian aurkeztuko dituzte.

Zelai Nikolasek, martxan dagoen "erabakitzeko eskubidearen trenera" igotzeko deia egin die herritarrei. "Ezin da pasatzen utzi".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Koronabirusak gutxienez 380.000 pertsona hil ditu munduan

Berria

Johns Hopkins Unibertsitateak jasotako datuen arabera, 380.250 dira dagoeneko izurriak hildakoak, eta ia 6,4 milioi kasu baieztatu dituzte planeta osoan.

Baionako terrazetan jendea bildu zen atzo. ©GUILLAUME FAUVEAU

«Bi kafe eta ebaki bat, otoi!»

Oihana Teyseyre Koskarat

Ipar Euskal Herria bigarren fasean sartu da atzotik. Terrazetan jende andana bildu da egun osoan, baina protokolo sanitarioak egoera bereziak sortu ditu leku batzuetan.

Ikasle batzuk tableta batean ariketak egiten. ©ERNESTO ARIAS / EFE

Hezkuntza digitalean, gabeziak

Amaia Ramirez de Okariz Kortabarria

Konfinamenduarekin areagotu egin da IKT tresnen erabilera, baina adituek azaldu dute irakasleen artean gabeziak daudela oraindik. Educatic kanala jarri dute martxan, laguntzeko asmoz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna