Noiz sortua: 2013-05-29 16:24:58

EUSKAL HERRIA

Yolanda Barcinari tartak bota zizkiotenak epaituko ditu Auzitegi Nazionalak

2011n Okzitaniako Tolosan eginiko ekitaldi batean bota jaurti zizkioten tartak. Bosna urteko espetxe zigorra eskatu du fiskalak lau auzipetuentzat.

Berria -

2013ko maiatzak 29

Auzitegi Nazionalak bere gain hartu du Yolanda Barcina Nafarroako Gobernuko presidenteari 2011n tartak jaurti zizkieten lau lagunen epaiketa. Auzipetuen abokatuak defendatu zuen gertatutakoa aztertzeko eskumena Frantziako auzitegiei zegokiela —Okzitaniako Tolosan bota zizkioten tartak—, baina argudio hori baztertu du Auzitegi Nazionalak.

Gainera, abokatuak argudiatu zuen Frantziako epaitegiek auzia aztertu eta artxibatu egin zutela. Horren aurrean, Auzitegi Nazionalak ebatzi du ez dagoela "inolako arriskurik gertaera berdinengatik bi aldiz zigortuak izateko", iritzita Frantziako auzitegiek ez zutela esan tartak jaurtitzea delitu zenik.

Blanca Rodriguez fiskalak eta Barcinaren abokatuak eskatu zuten auzia Espainian ikertzeko, Barcinak nahiz tartak bota zizkiotenek Espainiako herritartasuna dutela eta. Fiskalak bosna urteko espetxe zigorra eta 2.700 euroko isuna eskatu du lau auzipetuentzat, "autoritatearen kontrako atentatua" egitea egotzita.
 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Koronabirusak gutxienez 380.000 pertsona hil ditu munduan

Berria

Johns Hopkins Unibertsitateak jasotako datuen arabera, 380.250 dira dagoeneko izurriak hildakoak, eta ia 6,4 milioi kasu baieztatu dituzte planeta osoan.

Emakume bat kafea hartzen, Gasteizko Foru plazako harmailetan. ©D. AGUILAR / EFE

Espainiak ez du onartu Euskal Herri osoan ibili ahal izatea

Gotzon Hermosilla

Jaurlaritzak eskaera hori egin zien Espainiako eta Frantziako gobernuei. Araban, Bizkaian eta Gipuzkoan aukera egongo da herrialde batetik bestera joateko, hirugarren fasera igaroz gero

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna