MUNDUA

Aranzadik frogatu du Marokoko Armadak sahararrak hil zituela

Frogatu ahal izan den lehen aldia da. NBE Nazio Batuen Erakundera eramango dute ikerketa. EHUk, Hegoa institutuak eta Aranzadi Fundazioak egin dute azterlana. Bihar ikerketaren aurkezpen publikoa egingo dute, 19:00etan Donostiako Udalbatza Aretoan.

Saharako desagertuei buruzko txostenaren aurkezpena.
Saharako desagertuei buruzko txostenaren aurkezpena. / J. U./ARP

Berria -

2013ko irailak 10

Lehenengo aldiz frogatu ahal izan da Marokoko Armadak Saharako hainbat herritar bahitu eta hil dituela. Euskal ikerlari talde batek egin du ikerketa. Hegoa Institutua, Aranzadi Fundazioa eta EHU Euskal Herriko Unibertsitateak egin dute ikerketa. 'Meheris, izan litekeen itxaropena. Hobi komunak eta desagertutako lehen saharaui identifikatuak' izeneko ikerketa lana aurkeztu dute gaur goizean San Telmo Museoan.

Paco Etxebarria auzi medikuak eta Carlos Martin Beristain psikologian doktoreak izan dira ikerketako buru. Adierazi dutenez, Saharan bi hobi komun aurkitu dituzte. Bertan zortzi gorpu aurkitu dituzte, horietako bi adingabeak. Guztiak identifikatu ahal izan dituzte, denek Espainiako nortasun agiria baitzuten. 1976an, lurraldea Espainiaren esku zegoenean, Marokoko Armadak hildako pertsonak dira.

Marokoko armadak sahararrak hil dituela frogatu ahal izan den lehen aldia da. Orain ikerlariek Espainiako Kanpo Ministerioko ordezkariekin biltzeko asmoa dute, eta ondoren ikerketa NBE Nazio Batuen Erakundera eramatekoa.

Azterketa egin dutenei "beharrezkoa" iruditzen zaie Saharako buruzagiek, Espainiakoek eta NBEko organuek hildakoen familiek eskatutakoari erantzuna ematea. Saharak egun bizi duen egoera agerian uzten du ikerketa honek, Euskal Fondoako presidentearen esanetan.

Bihar ikerketaren aurkezpen publikoa egingo dute, 19:00etan Donostiako Udalbatza Aretoan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Angeluko hondartza. ©Guillaume Fauveau

Maskara derrigortu dute Lapurdiko zenbait herritan

Ekaitz Etxamendi

Miarritzen, Donibane Lohizunen eta Baionan (Lapurdi) beharrezkoa izanen da maskara erabiltzea. 135 euroko isuna izanen du maskararik gabe doanak. Euskal Hirigune Elkargoak jakinarazi du Angeluko eta Miarritzeko hondartzetako gaueko garraioak geldituko dituztela, COVID-19aren hedapena murrizteko.

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Berria

Informazio osagarria