HEZKUNTZA

Hezkuntza erreforma onartu du kongresuak

Oposizioko alderdiek testu bateratu bat irakurri dute hitza hartu duten bakoitzean, eta berretsi dute PPk gehiengoa galdu orduko utziko dutela bertan behera legea. PPren gehiengoarekin atera da aurrera testua. UPNk abstentziora jo du.

Xabier Mikel Errekondo, protestan
Xabier Mikel Errekondo, protestan /Berria

Garikoitz Goikoetxea -

2013ko urriak 10

PPren gehiengoari esker, hezkuntza erreformari baiezkoa eman dio Espainiako Kongresuak. Bozketak honako emaitza utzi du: 182 boto alde, 137 aurka eta bi abstentzio. PPko diputatuek txaloka hartu dute Jose Ignacio Wert ministroaren lege proiektua onartu izana. Urrats erabakigarria da, baina ez azkena: lege proiektua Espainiako Senatura joango da orain, eta ondoren, bueltan itzuliko da kongresura, azken baiezkoa emateko.

Ministroa bakar-bakarrik —Mariano Raxoi presidentea eta gainerako ministroak ez dira joan Espainiako Kongresuko bilkurara—, eta oposizio guztia kontra duela. Irudi hori utzi du hezkuntza erreforma onartzeko batzarrak bozketaren aurretik. Oposizioko alderdiek PPri ohartarazi diote bide laburra izango duela. Talde guztiek adostutako testu bat irakurri dute dira hitzaldi bakoitzaren hasieran: PPk gehiengoa galdu orduko atzera botako dute erreforma. UPNk orain arte babestu du PP, eta azken bozketan abstentziora jo du. Ohar batean penatuta azaldu da alderdia, adostasun handiagoa ez duelako izan erreformak.

Uxue Barkos Geroa Baiko diputatuak zabaldu du oposizioaren txanda. Labur, minutu eskasean, salatu du hezkuntza komunitatearekin adostu gabeko legea dela, eta PPk gehiengoa galdu orduko amaituko zaiola ibilbidea.

Amaiur taldearen izenean, Xabier Mikel Errekondok egin du hitzaldia. Erreforma "inposizioa" dela salatu du. “Espainiako banderarekin eta erregearen argazkiekin inbaditu nahi dituzue gure eskolak”. Euskal herritarrei dei egin die, erantzun dezaten. "Onartuko dugu Madrildik esatea zer ikasi behar duten gure seme-alabek? Ez. Euskal Herriak erabaki behar du".

Eta orduan sortu da eztabaida. Etzi Bilbon egitekoa den manifestaziora joateko deia euskaraz egin du Errekondok, eta Jesus Posada presidenteak ezetz, ezin dela euskaraz hitz egin kongresuan. Francorekin bezala, euskaraz egitea debekatzen dutela salatu du diputatuak. “Hori da zuek nahi duzuena: obeditu eta isildu, edo, bestela, zigorra”. Eta frankismo garaiko zigorren itxura eginez, liburu bana hartu eskuan, eta denbora batez isilik egon da mintzalekuan.

Euskal hezkuntzari kalte egingo dio lege berriak, EAJko diputatu Isabel Sanchez Roblesek ohartarazi duenez. "Espainiarentzat kaltea da, eta euskal hezkuntzarentzat, zer esanik ez. Gu Europaren parean edo hobeto gaude". Oraindik legea behin betiko onartzeko egun batzuk badaudela azaldu du diputatu jeltzaleak, eta negoziazioak hasteko eskatu dio ministroari. "Oraingoz niri ez didazu-eta ezer entzun. Zuzenketa bat bera ere ez". Edonola ere, nahiz legea indarrean jarri, euskal hezkuntzak aurrera segituko duela nabarmendu du. “Euskal hezkuntza komunitatea inplikatuta dago, eta lege batek ez du geraraziko. Akordioa du oinarri gure hezkuntza”.

Wert ministroak ez die talde guztiei erantzun, esanez batzuek "konstituziotik kanpoko planteamenduak" egiten dituztela. Aurrekoetan egin ohi duen legez, txostenak eta datuak aipatu ditu etengabe, erreforma justifikatzeko. "Datuak ebidentziak dira". Eztabaida mamitsuena EAJko diputatuarekin izan du ministroak.

Euskal hezkuntzaren eta Espainiakoaren artean alderaketa egiteko eskatu du Sanchez Roblesek. Wert ez da horretan sartu hasieran, baina, EAJko diputatuak segitu du galdezka, eta ministroak aitortu du aldeak daudela. "Aitortzen dut euskal sistema goitik dagoela besteetatik. Legeak ez du auzitan jartzen hori. Erreformak ekarriko du maila hobea dutenak are hobea izatea, eta apalagoa dutenak handitzea". Lanbide Heziketarekin ere berdin: "Euskal Lanbide Heziketa ona dela aitortzen dut. Euskadin uzte baxua izatea sistema horri dagokiola aitortzen dut. Utziguzu Euskadiko sistema hori emulatzen maila nazionalean".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Angeluko hondartza. ©Guillaume Fauveau

Maskara derrigorrezkoa izango da Ipar Euskal Herriko hainbat herritan ere

Olatz Esteban Ezkati

Berrehun positiboren langa gainditu da seigarren egunez jarraian Hego Euskal Herrian: 224 kasu izan dira azken orduetan. Gipuzkoako tabernariak kexu agertu dira Jaurlaritzaren murrizketak direla eta

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Angeluko hondartza. ©Guillaume Fauveau

Maskara derrigortu dute Lapurdiko zenbait herritan

Ekaitz Etxamendi

Miarritzen, Donibane Lohizunen eta Baionan (Lapurdi) beharrezkoa izanen da maskara erabiltzea. 135 euroko isuna izanen du maskararik gabe doanak. Euskal Hirigune Elkargoak jakinarazi du Angeluko eta Miarritzeko hondartzetako gaueko garraioak geldituko dituztela, COVID-19aren hedapena murrizteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna