Albistea entzun

EUSKAL HERRIA

New Yorkeko Euskal Etxeko ekitaldian "desadostasunak" izan zirela aitortu du Jaurlaritzak

Juan Karlos Izagirrek bideo bidez helarazitako mezu bat ez erakusteko eskatu zuen Iñigo Urkulluren taldeak eta betatu egin zuen, ekitaldian parte ez hartzeko mehatxua eginez. Bideoa: Donostiako alkateak euskal etxera igorritako mezua.

Berria -

2013ko urriak 16

Juan Karlos Izagirre Donostiako alkatearen mezu bat erakutsiz gero, Iñigo Urkullu Eusko Jaurlaritzako lehendakariak antolatzaileei ohartarazi zien New Yorkeko Euskal Etxearen mendeurren ospakizunean ez zuela parte hartuko. Informazio hori argitaratu dute gaur Vocento taldeko hedabideek.

Urkullu bera, Juan Jose Ibarretxe eta Patxi Lopez Eusko Jaurlaritzako lehendakari izandakoak, Yolanda Barcina Nafarroako Gobernuko presidentea eta Bilboko, Donostiako eta Gasteizko alkate Iñaki Azkuna, Juan Karlos Izagirre eta Javier Maroto gonbidatu zituen Euskal Etxeak mendeurreneko festara. Soilik Urkullu izan zen ekitaldian, baina mezu bat helarazi zuen Izagirrek.

Festa "ahalik eta aniztunena" izatea nahi zuten antolatzaileek, Aitzol Azurtza Eusko Etxeko presidenteak adierazi duenez.

Jaurlaritzako iturriek EiTBri baieztatu diote "desadostasunak" izan zirela ekitaldiaren gidoiaren inguruan antolatzaileen eta Jaurlaritzaren artean; gaineratu dute ados jarri zirela gero, "Eusko Jaurlaritzak diruz lagundua den eta lehendakariak Euskadiren ordezkari goren gisa parte hartzen duen ekitaldi batek izan behar duen errespetu instituzionalarekin bat" zetorrena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...