Albistea entzun
Emakumeen aurkako indarkeriari ez
Emakumeen aurkako indarkeriari ez

Mandela "eraldatzailea" eta haren "zuzentasuna" oroitu dute mundu osoko agintariek

 

Berria -

2013ko abenduak 6 08:58

Mundu osoko agintariek atsekabea azaldu dute Nelson Mandelaren heriotzaren harira. Barack Obama Amerikako Estatu Batuetako presidenteak agerraldi bat egin zuen bart gauean, eta esan zuen Mandelak "edozein gizonengandik espero daitekeena baino gehiago" egin zuela: "Hegoafrika eraldatu zuen". "Askatu zuten egunean ulertu nuen gizon batek bere itxaropenarekin eta bere beldurrak baztertuta lor dezakeena", erantsi du Obamak.

Frederick De Klerk Hegoafrikako presidente ohiarekin batera eman zioten Mandelari bakearen Nobel saria. De Klerkek esan du "ohorea" izan zela Mandelarekin lan egitea, "arerio politikoak" izan arren: "Gure harremana gorabeheratsua izan bazen ere, beti izan ginen gai une erabakigarrietan bat egiteko eta hainbat krisi gainditzeko".

Europako Batzordeko presidente Jose Manuel Durao Barrosok eta Europako Kontseiluko presidente Herman Van Rompuyk ere atsekabea azaldu dute "gure garaiko figura politiko handienetako" baten heriotza dela-eta. Mandelak "arrazismoaren, indarkeria politikoaren eta intolerantziaren kontrako borroka" ordezkatzen duela gaineratu dute.

Xi Jinping Txinako presidenteak ere "atsekabe sakona" adierazi dio Jakob Zuma Hegoafrikako presidenteari Mandelaren heriotzaren harira. Giza garapenari "izugarrizko ekarpena" egin ziola nabarmendu du Xik.

Dalai Lamak, berriz, "gizon adoretsu" gisa oroitu du Mandela, eta haren "zuzentasuna eztabaidaezina" dela gaineratu du. "Lagun handi bat" galdu du Dalai Lamak, eta harekiko miresmena eta errespetua zuela azaldu du.

Simon Peres Israelgo presidentearen hitzetan, "historia aldatu zuen lider handia" izan zen Mandela: "Israeldar guztiak doluan gaude munduko nazio guztiekin eta Hegoafrikako herriarekin, aparteko lider bat galdu baitu".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.