Mundua

Liskarrak larritu dira Ukrainan

Legebiltzarraren aurreko polizia hesia inguratu dute milaka manifestarik, eta Kieveko udaletxean sartu dira hainbat, baita Janukovitx presidentearen alderdiaren egoitzan ere. Gutxienez zazpi lagun hil dira, eta ehundik gora zauritu daude. 17:00ak arteko epea eman die Poliziak manifestariei liskarrak amaitzeko.

Krimeako Parlamentua, hartuta

Amagoia Mujika -

2014ko otsailak 18

"Ordena jartzeko bitarteko guztiak erabiltzera behartuta egongo gara 18:00etarako [17:00ak E.Han] Kieveko liskarrek  jarraituz gero", Segurtasun eta Barne minsiterioetako arduradunek ohar bidez jakinarazi dutenez, eta oposizioko buruzagiei dei egin diete "manifestariak lasaitzeko eta negoziazio mahaira itzultzeko", bestela "agintariek nahikoa indar dituzte-eta ordena inposatzeko". Vitali Klitxko oposizioko buruak, berriz, umeei eta haurrei liskar guneetatik ateratzeko eskatu die poliziek har ditzaketen neurrien beldur.

Catherine Ashton Europako Batasuneko goi mandatariak ere "lasaitasunerako deia" egin diete ukrainarrei, eta "legebiltzarreko prozesura itzul" daitezela. "Kezka" azaldu du liskarren berpiztea dela eta, izan ere, itxura txarra dauka Kieven gertatzen ari denak.

Ukrainako Legebiltzarra inguratzen duen polizia hesia apurtzea lortu dute goizean Viktor Janukovitxen gobernuaren kontra dauden hainbat eta hainbat manifestarik, eta poliziek negar gasekin, granada zorabiagarriekin eta gomazko pilotekin erantzun dute. Duela hilabete istilu larriak gertatu ziren leku berean saiatu da Polizia legebiltzarrerako martxa eragozten. Hiru hilabetean protestek etenik izan ez badute ere, gaurkoak dira hilabetean izan diren liskartsuenak.

Dozenaka kaputxadun, berriz, Janukovitxen Eskualdeen Alderdiaren egoitzan sartu dira, makilak eskuan, eta su eman diote eraikineko barruko hainbat gailuri. Horrez gainera, Kieveko udaletxean ere sartu dira. Duela bi egun atera ziren handik oposiziokoak, hiru hilabetean okupatuta izan ondoren.

Eskuin muturra

Kievek uste du manifestarien artean eskuin muturreko kideak daudela. Ukrainako Atzerri ministro Leonid Kozharak esana da "muturreko indarrak gordetzen direla manifestari baketsu batzuen irudiaren atzean", eta nazioarteari eskatu dio "opoisizioko manifestariek sustatu duten indarkeria gaitzesteko"

Atzo iragarri zuten Batkivstxina, UDAR eta Svoboda oposizioko alderdiek konstituzioa lehengoratzea eskatuko zutela gaurko saioan, baina gobernuaren aldeko ordezkariek ez dute horren gaineko eztabaidarik bultzatu nahi. 2010eko urrian, Ukrainako Auzitegi Konstituzionalak atzera bota zituen Iraultza Laranjak sustatutako erreforma guztiak, eta ordutik, indarrean izan dira berriz 1996ko legea eta sistema politikoa. 2004ko konstituzioa berrezarri nahi dute hiru alderdi horiek, Janukovitx presidentearen boterea murrizteko eta diputatuena handitzeko. Alderdiok, ordea, gutxiengoan dira legebiltzarrean.

Amnistia indarrean

Atzo jarri zuten amnistiaren legea indarrean; protestatan atxilotutako 230 herritarri baino gehiagori eragingo die lege horrek, eta horren truke Kieveko udaletxea eta zenbait eraikin okupatu hustu zituzten. Hustuketak ez du asko iraun.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Baztango haur eskola. ©Jagoba Manterola/FOKU

Nafarroako haur eskoletan «normaltasun berriarekin» ekingo diote ikasturteari

Olatz Esteban Ezkati

Lau egoera posible irudikatu ditu Nafarroako Gobernuak, eta COVID-19aren bilakaeraren arabera ezarriko da bat edo beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna