Iheslariak

Euskal Iheslari ohiek konponbide prozesuarekiko konpromisoa adierazi dute

Iheslari direnei etxerako bidean laguntzeko prest azaldu dira, baita azken 50 urtetan bizitakoa kontatzeko ere: "Gure testigantza ematera gatoz". Bideoa: euskal iheslari politiko ohien agerraldia, Altsasun (Ander Gartzia eta Itxaso Cuevas).

Joxerra Senar -

2014ko martxoak 15

Altsasun urrats sinbolikoa eman dute 150 iheslari ohi inguruk. Herria dugu arnas zioen kartelaren inguruan, agiria irakurri dute eta bertan, "aurrerantzean inoiz inork bere sorterritik ihesean atera behar izan ez dezan", konponbide prozesuarekiko konpromisoa azaldu dute: "Askatasunaren eta bakearen bidean gure herrian beste egoera bat sortzeko aukera zabaldu behar dugu".

Iheslari ohiek Altsasuko Iortia kultur etxean egin dute agerraldia. 150 inguru bildu dira gaur eguerdian. Iheslarien kolektiboa anitza da eta belaunaldi eta jatorri desberdineko herritarrak daude bertan. Gaurko argazki horren isla izan da. Duela bederatzi hilabete, 2013ko ekainaren 15ean Miarritzen iheslarien kolektiboak aurkeztutako bide orriaren garrantzia azpimarratu dute: "Gu iheslarien kolektiboko kideak izan ginen eta orain ere egur bereko ezpala gara. Horregatik Miarritzeko aurkezpenatik bertatik ohartu ginen, bide orri horren garrantziaz".

Hasitako bidea ez dela erraza argi dute, "konponbidearen kontrako agenda maneiatzen dutenek arazoak baizik jartzen ez dituztelako". Horregatik, estatuen blokeoaren aurrean hala presoen kolektiboak nola iheslariek egiten ari diren esfortzua nabarmendu dute.

Konponbidean sakontzeko, beharrezkotzat jo dute azken 50 urtetan gertatutakoa kontatzea. "Guk badugu zer kontatu, zer eta zergatik". Gatazkaren gordintasuna bizi izan dutela gogoratu dute: "Gerra zikina bezala ezagutzen dugun jazarraldi ankerrak erakarritako deportazioaren muturreko babesgabetasun juridikoa, heriotzarik ere eragin duen gutxieneko bizi baldintzarik eza, poliziatik poliziarako kanporaketekin orokortu zen tortura, eta izua zein heriotza bera ere". Inoiz errepikatu behar ez diren ondorioak direla azaldu dute.

Iheslari ohiek azpimarratu dute ez dutela beldurrik ondorio lazgarri horiek kontatzeko. "Nonbait, zenbaitek egin nahi duen kontakizun partzialetik desagerrarazi nahi dituzten adibide lazgarriak dira. Guk, ordea, ez dugu beldurrik gertatutako guztiari begiratzeko, ezta erantzukizunik aitortzeko ere".

Haatik, era berean, gaineratu dute ez dutela iraganean kateaturik geratzeko asmorik. "Gure seme-alabei, gure bilobei etorkizuna zor diegu guztion eskubideak bermatuko dituen euskal herri libre batean. Horixe izango da gure garaipena. Galtzailerik eta mendekurik gabeko garaipena".

Euren testigantza eskaintzeaz gain, "oraindik iheslariak diren lagunak etxera itzultzeko bidean laguntzera" datozela azaldu dute. Helburua hori izaki, eragile desberdinekin konpromisoak eta adostasunak biltzeko prest dira. Hala ere, euren esanetan, herria da protagonista nagusia, "herria baita hasitako bidea erraztu dezakeena. Konponbide eta konponbidearen atal nagusia burura emateko berme bakarra".

Amaieran, Pello eta Pantxoaren Lepoan hartu eta segi aurrera abestia kantatu dute gogo biziz. Ekitaldia hasi aurretik, Consuelo Ordoñez Altsasuko Iortia kultur etxearen kanpoaldean zen eta idatzi bat pasa dio atarian zegoenari. Ez da beste ezer gertatu. Ekitaldia 12:15erako amaitu da.

Altsasuko irteeran Guardia Zibilak kontrolak jarri ditu, eta nondik nora zihoazen galdetzen ibili dira gidariei.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako agerraldiarekin zerikusia dutenak

Beste 11 positibo zenbatu dituzte Ordiziako agerraldiarekin zerikusia dutenak

Arantxa Iraola

Denera 69 kasu dagozkio positibo multzo horri, eta 31 Tuterakoari.

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna