Albistea entzun

MUSIKA

Brasil Bilbobus barruan

Diego Ain musikari brasildarrak Bilboko hainbat autobus linea girotuko ditu hurrengo hiru egunetan, Ernesto Neto herrikideak Guggenheim museoan daukan erakusketa sustatzeko asmoz.

Ernesto Netoren erakusketan oinarritutako esperientziaren aurkezpena.
Ernesto Netoren erakusketan oinarritutako esperientziaren aurkezpena. Monika Del Valle / Argazki Press

Iñaki Larrañaga -

2014ko apirilak 23

Bizkaiko hiriburua lotzen duen Bilbobus autobus zerbitzuak ezusteko berezia eskainiko die erabiltzaileei ostiralera arte. Izan ere, Ernesto Neto artista brasildarrak Guggenheim museoan atondu duen erakusketa promozionatzeko asmoz, Diego Ain herrikideak musikaz beteko ditu hiria zeharkatzen duten autobus lineak.

Ernesto Neto: naraman gorputza erakusketa plastikoa joan den otsailaren 14an estreinatu zen, eta maiatzaren 18an bukatuko da. Brasilgo artista nabarmenduenetarikoa da Neto, eta nazioartean oso ezagunak dira haren eskultura organikoak, sarritan tamaina erraldoia dutenak. Erakusketaren azken txanpa berrindartzeko asmoz, Rio de Janeiroko autobusetako jai giroa ekartzea izan dute helburu Guggenheimek eta udalak. Horrela, musika emanaldiez gain, 8.000 goxoki poltsatxo banatuko dituzte autobus erabiltzaileen artean, Brasilgo hiri horretako camelos-ek —kalez kale ibiltzen diren goxoki saltzaileak— autobusetan egiten dituzten joan-etorriak gogoraraziz.

Diego Ain musikariak Ain & The Machine izeneko proiektuaren zatiak joko ditu goizez eta arratsaldez banaturiko emanaldietan. Musika sortzeko, gorputza, ahotsa eta hainbat objektu erabiltzen ditu. Ain musikagilea, ekoizlea eta perkusionista da, eta hainbat lankidetza sonatu egin ditu azken urteetan, Prince-ren gitarra jotzaile Miko Weaverrekin eta Ara Malikian biolinistarekin, esaterako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Askotariko materialez egindako lanak ikus daitezke <em>Gaurko euskal eskultura</em> erakusketan. Irudian, Guillermo Olmo eskultorearen <em>Arina</em> lana. ©MONIKA DEL VALLE / FOKU

Eskulturaren topalekua

Olatz Enzunza Mallona

Santurtziko Azken Muga elkarteak 95 artistaren lanak bildu ditu 'Gaurko euskal eskultura' erakusketa ibiltarian. Otsailaren 16ra arte ikusi ahal izango da

Pantx Records kolektiboko kideek Durangoko Azokan aurkeztu zuten bilduma. ©FACUNDO QUEVEDO TRONCOSO

Euskal Herritik Kingstonera

Alex Uriarte Atxikallende

Pantx Records kolektiboak 'Reggaean jarrai: Euskal folklore jamaikarra' izeneko bilduma kaleratu du. Euskal ondarea eta kultura jamaikarra uztartu dituzte proiektuan

Mikel Martinez aktorea, Marieta Diaz de Toledo eta Bertol Arrieta saridunekin, atzo, Bilbon. ©RAUL BOGAJO / FOKU

Gidoia abiapuntu gisa

Andoni Imaz - Olatz Enzunza Mallona

Bertol Arrietak, Mikel Fernandinok eta Marieta Diaz de Toledok irabazi dituzte aurtengo Cafe Bar Bilbao antzerki gidoi laburren sariak

Antonio Gramsci pentsalari, idazle eta politikaria. Haren kartzelako gutunak euskaraz irakur daitezke orain. ©BERRIA

Preso denaren kezkak, gutun azaletan bilduak

Ainhoa Sarasola

Antonio Gramsciren 'Kartzelako gutunak' eman du Katakrakek, Ekaitz Sirventen itzulpenean. Pentsalari ezkertiarrak espetxean idatzi zituen 218 eskutitzetan, haren «alde guztiak» aurki daitezke

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.