Seaska

Ikastolek eraikin zaharrak aloka ditzakete merkatuko prezioan baino apalago

Pierre Andre Durand Paueko prefetak eta Patrick Dallennes Baionako suprefetak zirkular bat zabalduko dute egunotan, "eskola pribatuen" auzian konponbidea atzemateko asmoz.

Durand prefeta (ezkerrean) eta Dallenes suprefeta, gaur
Durand prefeta (ezkerrean) eta Dallenes suprefeta, gaur / A. Renteria Tamaina handiagoan ikusi

Aitor Renteria -

2014ko maiatzak 2 13:11

Oren luze bat behar izan du prefetak Seaskari ateka hertsi bat erakusteko. Herriko etxe eta elkargoek posible izanen dute egoitza zaharrak alokatzea Seaskari. Merkatuak finkatzen duen prezioan baino apalagoan egin dezakete, baina prefetak ez du utziko "alokairu sinbolikoa" egitea, diru publikoa eskola pribatu bat finantzatzea dela iritzita.

Gisa berean, herriek posible izanen dute lur soila alokatzea Seaskari, prefabrikatuak jartzeko bada. Prefetak azpimarratu du ez duela onartuko eraikuntza gogorrik egitea eremu publiko batean, eragile pribatu bat lur publikoaren jabe bilakatzea litzatekeelako. Laburbilduta, Seaskako ikasleek egoitza zaharretan egon beharko dute edota prefabrikatuetan.

Lehen mailako ikastolei dagokienez, zirkularraren bidez arazoen %80ari konponbidea eman diola dio prefetak. Gainerakoak Seaska eta Legegilearen artean konpondu beharko direla ebatzi du.

Horrekin batera, auzapezei gogoratu die funtzionamendu arloan diruz lagundu behar direla alokairuan eta kontratupean dauden ikastolak, Seaskan eskolatua den haur bakoitzeko hezkuntza publikoan dagoen haurraren prezio bera ordaindu beharko dutela berretsi die.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna