Noiz sortua: 2014-05-17 10:41:28

Euskal presoak

Elkartasun martxa egin dute Ibon Iparragirre preso dagoen Navalcarneroko espetxera

Senideek bisita izan dute goizean, eta salatu dute oraindik ez dizkiotela egin eginbeharreko mediku azterketa guztiak, eta ez dela tratamendua behar bezala jasotzen ari.

Elkartasun martxa Navalcarneroko espetxean, gaur
Elkartasun martxa Navalcarneroko espetxean, gaur / Berria Tamaina handiagoan ikusi

Berria -

2014ko maiatzak 17

Euskal Herriko hainbat herritako, Bartzelonako, Madrilgo eta Zaragozako (Espainia) 80 lagun inguru elkartu dira gaur Navalcarneroko (Madril, Espainia) espetxearen inguruan, txalaparta, oihu eta abestien bidez Ibon Iparragirre euskal presoari elkartasuna adierazteko. 

Goizean presoa bisitatu dute senideek, eta adierazi dute "nahiko ondo" dagoela animo aldetik. Dena den, behar duen tratamentua jasotzen ari ez dela baieztatzeaz gain, jakinarazi dute zazpi kilo galdu dituela azken bi hilabete eta erdian. "Ibonen osasun egoerak kritikoa izaten jarraitzen du, HIESa baitauka, C mailan, hau da, bere gaixotasuna sendaezina eta itzulezina da; beraz, egoera honetan espetxean mantentzen duten egun bakoitzeko bere osasun egoerak okerrera egiten jarraitzen du etengabe". Etxean zegoen preso Iparragirre, baina martxoan espetxean sartu zuten berriz: Basaurikoan lehenengo, eta Navalcarneron gero.

Bihar elkarretaratzea egingo dute Ondarroako Alamedan (Bizkaia), 13:00ean. Eta horrez gain, Ondarroan maiatzaren 31n Giza eskubideak. Konponbidea. Bakea. Gaixo dauden presoak etxera! lemapean egingo den manifestaziora joateko deia egin dute.

Bihar, lasterka

Euskal preso eta iheslarien eta haien senideen elkartasunezko lasterketa lehiaketa, Lasterbidean, egingo dute bihar Larrabetzun (Bizkaia).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna