Noiz sortua: 2014-06-04 09:54:22

EUSKAL PReSOAK

Presoak gerturatzeko eskaera ugari baztertu ditu Espainiako Gobernuak, Sorturen arabera

Gerturatzeko eskaerak ekainean amaituko dituzte presoek, Hasier Arraizek azaldu duenez.

Urtarrilaren 11n Giza eskubideak. Konponbidea. Bakea leloarekin Bilbon egindako manifestazio bateratua.
Urtarrilaren 11n Giza eskubideak. Konponbidea. Bakea leloarekin Bilbon egindako manifestazio bateratua. Luis Jauregialtzo / Argazki Press

Berria -

2014ko ekainak 4

Iazko abenduaren 28an iragarri zuen EPPK Euskal Preso Politikoen Kolektiboak "lege baliabideak" erabiliko zituela presoak "etxeratzeko" bidean. Otsailean, berriz, EPPK-k azaldu zuen Espainiako espetxeetan preso dauden EPPK-ko kideek Zaballako kartzelara lekualdatzeko eskaerak jarriko zituztela martxan; Frantziako presondegietan daudenek, berriz, Euskal Herritik gertuen dagoen kartzelan biltzea galdegingo dute.

Harrezkero, banakako eskariak aurkeztu dituzte preso ugarik, eta eskaria aurkeztekoak direnen artean falta direnek ekainean egingo dute.

Eskari horiei erantzuten hasi da Espainiako Gobernua, eta, Sortuko presidente Hasier Arraizek jakinarazi duenez, ezezkoa eman die Madrilek presoei. Radio Euskadin elkarrizketatu dute Arraiz, eta bertan eman du PPren gobernuaren erantzunen berri. Euskal Herrira lekualdatzeko eskatu duten gainerako presoak erantzunaren zain daude.

"Nik dakidala, EPPK-k hilabete honetan amaituko du Euskal Herriko espetxeetara lekualdatzeko eskariak aurkezten", azaldu du Arraizek.

Sailkapen bat prestatu zuen EPPK-k eskaera horiek bideratzera begira: “Larriki gaixo direnen edota 70 urtetik gorakoak direnen kaleratzea ahalbidetuko lukeen eskaera egingo dugu”.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna