ATXILOKETAK

Preso sartu dute Maria Jesus Elorza

Frantziara estraditatua izateari uko egin ostean, espetxera bidali du epaileak. Madrilgo aireportuan atzeman zuten, igandean.

Berria -

2014ko ekainak 9

Espainiako Auzitegi Nazionaleko epaile Pablo Ruzek baldintzarik gabeko espetxealdia ezarri dio Maria Jesus Elorzari. Barajasko aireportuan atxilotu zuten Elorza, herenegun, Venezuelatik iritsi berria zela.

Gaur goizean eraman dute epailearen aurrera Elorza. Frantziak haren aurkako atxilotze agindua emana zuen, baina Elorzak uko egin dio estraditatua izateari. Orain, Auzitegi Nazionaleko Zigor Aretoak hartu beharko du azken erabakia.

Sortuk, bestetik, Elorzaren atxiloketa salatu du, eta kezka adierazi du Poliziaren esku jasan dezakeen tratuaren inguruan.

Poliziaren arabera, 1980ko eta 1990eko hamarkadetan ETAko kide izan zen; polizien aurkako hainbat atentatutan parte hartzea leporatu diote.

Elgoibarkoa (Gipuzkoa) da Elorza, eta 66 urte ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut