Albistea entzun

Hezkuntza erreforma

Uriartek dio LOMCEren gutxienekoak ezarriko dituela "estudianteak babesteko"

Jaurlaritzako Hezkuntza sailburuak LOMCE "zentralizatzailea" dela berretsi du, baina "gutxieneko neurriak" aplikatuko ditu.

Eusko Jaurlaritzako Hezkuntza sailburu Cristina Uriarte, azalpenak ematen. /
Eusko Jaurlaritzako Hezkuntza sailburu Cristina Uriarte, azalpenak ematen. / Raul Bogajo/Argazki Press

Oihan Vitoria -

2014ko uztailak 7

"Ikasleak babesteko" eta "kaltetuak izan ez daitezen". Helburu horiekin ezarriko ditu LOMCE legearen gutxienekoak Eusko Jaurlaritzak. Hala jakinarazi du Hezkuntza sailburu Cristina Uriartek, EHUren jardunaldi batzuetan. LOMCEren aurkako jarrera berretsi du: "Erreforma zentralizatzailea da, eta ez du Euskadirako balio".

PPren gobernuak bultzatutako erreformaren xedeek zentzurik ez dutela deritzo, euskal komunitateak "aspalditik" bete dituelakoan horiek. Halere, onartu du hasiak direla hainbat neurri hartzen irailera begira. "LOMCEren neurri eta edukiek ez dute ezertarako balio. Erabat kontra gaude, baina derrigorrez bete beharreko lege bat da, eta gure hezkuntza eredua babestea dagokigu".

Helegitea, Espainiako Auzitegi Konstituzionalean

Hezkuntza sailburuak gogora ekarri du Eusko Jaurlaritzak helegitea jarri zuela iragan astean Espainiako Auzitegi Konstituzionalean, LOMCEk lehen hezkuntza izango duen eraginaren kontra; orain arte Madrilek onartu duen bakarra da. Bigarren hezkuntza eta batxilergoko dekretuei baiezkoa ematean jarrera bera hartuko ote duen galdetuta, Uriartek zehaztu du aztertuko dutela nola erantzun: "Helegiteak jarri behar baldin badira, jarriko dira".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Gorka Rubio

Miren Dobaran: «Euskararentzat esparru gehiago irabazi behar ditugu; hori da gure obsesioa»

Julen Aperribai

Eusko Jaurlaritzak kirola, aisialdia eta eremu sozioekonomikoa ditu lehentasun nagusi. Hamarkada honetako hizkuntza politikaren oinarriak Euskara Sustatzeko Ekintza Planean zehaztu nahi ditu.

Amaitu da Euskaraldia

Ariketa sozialarekin jarraitzera deitu dute

Edurne Begiristain

Aurtengo Euskaraldian 161.099 lagunek eta 6.634 entitatek eman dute izena. Ariketa soziala gizartean «txertatua» dagoela nabarmendu dute
Euskalgintzaren Kontseiluaren manifestazioa Iruñean, merezimenduen dekretuaren kontra. ©Iñigo Uriz, Foku

Hizkuntza eskakizunetan katramilatuta

Julen Aperribai

Izan legedia aldatzeko prozedurengatik, hizkuntza eskubideen kontrako epaiengatik nahiz diskurtso politikoengatik, sarritan euskara hizkuntza eskakizunei lotuta egon da eztabaida publikoan azken ikasturtean. Bada motiborik datorrenean ere hala segiko duela pentsatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...