Esku hartzeko eskatu dio Abbasek nazioarteari

2014ko uztailaren 8a
13:01
Entzun 00:00:0000:00:00

PAN Palestinako Aginte Nazionaleko presidenteak, Mahmud Abbasek, gaitzetsi egin du Israelek bart Gazaren aurka abiatutako operazio militarra, eta berehala geldiarazteko eskatu dio Israeli.

Nazioarteko buruzagiei ere laguntza eskatu die Abbasek, "eskualdeko hodamendia eta ezegonkortasuna handitzeko" soilik balioko duen operazioa geldiarazteko. Arabiar estatuetako buruzagiei ere egin die deia Abbasek, Tel Avivi "presio" egiteko galdeginez.

Israelgo lehen ministro Benjamin Netanyahuk, ordea, dagoeneko ohartarazi du operazioa "luzea" izango dela, eta Hamasi egotzi dio hura hasi izanaren erantzukizun osoa. Bide batez, nazioarteko agintariekin harremanetan jarri da Israelgo gobernuburua, operazioa babes dezatela eskatzeko.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.