udalak

Udalbiltzak eta Kataluniako AMIk lanak koordinatu nahi dituzte

Bi udal erakundeek bilera bat egin dute, Montblancen. Erabakitzeko eskubidearen alde ariko dira.

Udalbiltzako eta AMIko arduradunak, gaur, Montblancen (Tarragona, Herrialde Katalanak).
Udalbiltzako eta AMIko arduradunak, gaur, Montblancen (Tarragona, Herrialde Katalanak). Tamaina handiagoan ikusi

Berria -

2014ko irailak 10

Udalbiltzak —Euskal Herriko udal eta udal hautetsien biltzarra— eta AMIk —Kataluniaren independentziarako udalen elkartea— bilera bat egin zuten atzo goizean, Montblancen (Tarragona, Herrialde Katalanak), "Kataluniako azaroaren 9ko galdeketa dela-eta lanak koordinatzeko xedez".

Elkarrekin egingo dituzte ekimen batzuk. Kasurako, AMIko kide batzuk Euskal Herrian izango dira urrian, "Udalbiltzak Kataluniako prozesuari sostengua emateko egingo dituen ekitaldietan parte hartzeko".

Udalbiltzak dio Euskal Herriko eta Kataluniako hautetsiek "erabakitzeko eskubidearen aldeko apustu garbia" egina dutela, eta bi erakundeek uste dute "udalgintzak ekarpen garrantzitsua" egin dezakeela "prozesu demokratikoetan".

Gaurko bileran Udalbiltzako ordezkariak Maite Iturre nazioarteko harremanen arduraduna eta lehendakariordea, Iratxe Lopez de Aberasturi lehendakariordea eta Xanti Kiroga Udalbiltzako zuzendaria izan dira. AMIkoak, Josep Maria Vila d’Abadal (AMIko lehendakaria eta Vic-eko alkatea), Josep Andreu i Domingo (AMIko lehendakariordea eta Montblanceko alkatea) eta Josep Maria Roige (AMIko lehendakariordea eta Balaguerko alkatea).

AMIk 697 udal eta 38 eskualde kontseilu, diputazio eta toki erakunde biltzen ditu.

Bihar goizean Kataluniako udaletxeen aurrean bilkurak izango dira, AMIk deituta, eta Udalbiltzako ordezkariak Vicekoan izango dira. Arratsaldean, Bartzelonan egongo dira, Diadan, V gisako mobilizazio erraldoiaren antolatzaile ANCk gonbidatuta. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna