Albistea entzun

Espainiako fiskal nagusia: "Legediaren armazoirik gabe, hau oihana litzateke"

 

Berria -

2014ko irailak 16 18:07

Eduardo Torres Dulce Espainiako fiskal nagusia Kataluniako galdeketaz mintzatu da Bilbon, Fiskalen Kontseiluak egindako bileraren ondotik. Espainiako Gobernuak Kataluniaren autonomia bertan behera uzteko aukera "erabaki politiko bati" dagokiola uste du, eta politikariei eskatu die ez "oztopatzeko" fiskalen eta epaitegien erabakiak —Jose Manuel Garcia Margallo Espainiako Atzerri ministroak ez du baztertu Kataluniako autonomia bertan behera uztea, galdeketa saihesteko—.

Legea urratuz gero fiskaltzak esku hartuko duela gaineratu du Torres Dulcek. "Jokoaren lege demokratikoak" errespetatu behar direla gogorarazi du. Torres Dulcek Ser irrati katean egin berri dituen adierazpenetan ohartarazi du Konstituzionalaren debekua urratuz gero fiskaltzak esku hartuko duela, "Zigor Kodearen tresna guztiak" erabiliz: "Aurrena, ikusi beharko da zein den auzitegiaren erabakiaren edukia, ez baita gauza bera zerbait bertan behera uztea edo zerbait bertan behera uzteko baldintzak jartzea".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...