Albistea entzun

Kataluniako prozesu subiranista

CiUk, ERCk, ICV-EUiAk eta CUPek kontsultari eustea adostu dute "marko legalen barnean"

Artur Mas Kataluniako presidenteari eskatu diote kontsulta "berme demokratiko posible guztiekin" egiteko.

CiU, ERC, ICV eta CUPeko ordezkariak, joan den abenduaren 12an, galdeketarako eguna eta galderak adostu zituztenean. /
CiU, ERC, ICV eta CUPeko ordezkariak, joan den abenduaren 12an, galdeketarako eguna eta galderak adostu zituztenean. / Alejandro Garcia/Efe

Berria -

2014ko irailak 16 07:37

Katalunian burujabetzaren inguruko kontsultaren alde dauden alderdiek ebazpenerako proposamen bateratu bat aurkeztuko dute bihar parlamentuan, Kataluniako hedabideek argitaratu dutenez. Politika orokorraren inguruko debatean aurkeztuko den ebazpen nagusia izango da. Bertan, lau alderdiek kontsulta azaroaren 9an egiteko konpromisoari eutsiko diote, bi baldintza nagusirekin: "marko legalen barnean" egitea, eta "berme demokratiko posible guztiekin". Termino horien inguruan zehaztasun gehiago ez dute eman, oraingoz.

CiUk, ERCk, ICV-EUiAk eta CUPek adierazi dute 2013an Kataluniako Parlamentuak egindako burujabetza adierazpenak indarrean segitzen duela, eta horrek markatutako printzipioak jarraituko dituela "prozesu demokratikoak". 

Lau alderdiek diotenez, Berme Estatutarioen Kontseiluak ebatzi du Kataluniako kontsulta legearen artikulu guztiak "konstituzionalak eta estatutarioak" direla, eta diote, halaber, Espainiako Auzitegi Konstituzionalak burujabetzaren inguruko sententzian ez duela kontsulta debekatzen. "Argudio juridiko nahikoak badaude kontsulta deitzeko beharrezko egitura juridikoa osatzeko, era esplizituan onartzen baitute printzipio demokratikoa".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerald Darmanin Frantziako Barne ministroa eta Gilles Simeoni Korsikako gobernuburua elkarri eskua ematen, iragan uztailean, negoziazioen lehen bilkura amaitu ostean, Parisen ©CHRISTOPHE PETIT TESSON / EFE

Korsikako hautetsien eta Frantziako Gobernuaren arteko negoziazioak, oinarri bila

Ander Perez Zala

Darmaninek atzeratu egin du bihar uhartera egitekoa zuen bisita, «eztabaida bare baterako baldintzarik» ez dagoela argudiatuta. Protestak antolatu dituzten gazte mugimenduek aho batez eskatu dute elkarrizketak hausteko.

Autodeterminazioaren eta Amnistiaren Aldeko Akordio Sozialaren prentsaurrekoa, gaur, Bartzelonan. ©INTERSINDICAL

Kataluniako berrehun udalerri daude amnistiaren eta autodeterminazioaren alde

Mikel Elkoroberezibar Beloki

Hirurehun erakundek eman diote babesa Autodeterminazioaren eta Amnistiaren Aldeko Akordio Sozialari, tartean alderdi politiko independentistak, zenbait sindikatu eta ikasle antolakunde.

Danimarkako lehen ministro Mette Frederiksen, gaur, Kopenhagen egindako agerraldian. ©Liselotte Sabroe / EFE

Danimarkako bozak azaroaren 1era aurreratu ditu lehen ministroak

Mikel O. Iribar

Gobernu sozialdemokrata babesten duten alderdiek behartuta hartu du erabakia Mette Frederiksenek.

Suhiltzaile batzuk, atzo, bonbardaketa batek Kharkiven (Ukraina) txikitutako lantegi batean lanean. ©SERGEY KOZLOV / EFE

Zelenskik berretsi du ez duela Putinekin negoziatzeko asmorik

Igor Susaeta

Errusiako goi ganberak Ukrainan partzialki okupatutako lurrak anexionatzeko itunak onartu ditu. Kremlinen mapek erakusten dute Moskuren indarrek segitzen dutela gerra frontean atzera egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...