Politika

Ezker Batua alderdia desagertu egingo da, "Ezkerra elkarguneari bide emateko"

Ezkerra ez da datorren urteko udal hauteskundeetara aurkeztuko; herri hautagaitzen sorrera sustatuko du.

Javier Madrazo eta Mikel Arana EBko kideak, artxiboko irudi batean. / Luis Tejido/Efe

2014ko irailak 19 11:32

Alderdi gisa desagertu egingo da Ezker Batua (EB) alderdia. Hala jakinarazi du Jose Navas koordinatzaileak. "Amaitu da bere bidaia historikoa".

Ezkerra "elkargunean" indarrak batu nahi ditu orain, eta ibilbide hori hasi du Plataforma Ciudadana eta Republicanos taldeekin. "Ezker Batua iragana da, eta Ezkerra, etorkizuna", adierazi du Navasek. Hala ere, plataforma berrian talde bakoitzak bere "izaera" mantenduko duela zehaztu du.

Ezkerra ez da hauteskundeei begira sortutako plataforma. Ez du bere burua datorren urteko bozetara aurkeztuko. "Elkargunea" herritarrei behar duen lekua emateko helburuz sortu dela adierazi du, eta 2015eko udal eta foru hauteskundeei begira herri hautagaitzen sorrera sustatuko duela jakinarazi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut