Albistea entzun

Kataluniako prozesu subiranista

Astelehenerako deituko du Ministro Kontseilura Rajoyk

Artur Masek bihar sinatuko du A-9rako herri galdeketa iragartzeko dekretua. Kontsulta babesten duten indar politikoetako buruak deitu ditu Kataluniako presidenteak sinadura ekitaldira.

Artur Mas presidentea, Bartzelonan.
Artur Mas presidentea, Bartzelonan. Toni Garriga / EFE

Berria -

2014ko irailak 26 10:16

Mariano Rajoy Espainiako presidenteak esan duenez, aurreikusi bezala Artus Masek bihar sinatzen badu galdeketara deitzeko dekretua, astelehenerako deituko du Ministro Kontseilura. Txinan egin ditu adierazpenok. "Ezin da legea urratu eta herrialde baten burujabetasuna kitatzen saiatu; hori ez da posible ez orain, ez inoiz", berretsi du Rajoyk.

Espainiako Gobernuak esana zuen Masek dekretua sinatu orduko Ministroen Kontseilua bildu eta helegitea jarriko duela Auzitegi Konstituzionalean. Soraya Saenz de Santamaria presidenteordeak "azkar" erantzungo dutela esan zuen atzo; baina ezingo dute eragotzi herri galdeketarako kanpaina egun batzuetan behintzat indarrean izatea.

Artur Mas Generalitateko presidenteak bihar goizean sinatuko du katalanak herri kontsultara deitzeko dekretua. Masek iragarria zuen dekretua asteon sinatuko zuela, baina epeei buruz zantzurik eman gabe; beranduenez larunbatean izango zela, besterik ez. "Buruargi eta abil" jokatu nahi zuela nabarmendu zuen, Espainiako Gobernuari gauzak ez errazteko.

Garrantzi handiko ekitalditzat dauka Masek kontsultara deitzeko dekretuaren sinadura, eta, horregatik, gaurko eguna agendatik ezabatuta zeukan. Izan ere, Jordi Pujol Generalitateko presidente ohiak gaur egin du agerraldia Kataluniako Parlamentuan, atzerrian ezkutuan izan dituen diruei buruz azalpenak emateko.

Egun seinalaturako, Masek Generalitatera deitu ditu azaroaren 9an herri galdeketa egitearen alde agertu diren indar politikoetako buruzagiak: Jordi Turull (CiU), Oriol Junqueras (ERC), Joan Herrera (ICV-EUiA) eta David Fernandez (CUP) behintzat bai, eta baita Nuria Gispert parlamentuko presidentea eta beste hainbat arduradun politiko ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...