Albistea entzun

erreakzioak

Auzitegi Konstituzionalaren "eledun" izatea egotzi dio CiUk Rajoyri

Espainiako Gobernuaren helegiteak hainbat erreakzio eragin ditu Katalunian eta Euskal Herrian.

Ramon Espadaler eta Lluis Corominas CiUko idazkari nagusia eta bere albokoa, gaur goizeko agerraldian. /
Ramon Espadaler eta Lluis Corominas CiUko idazkari nagusia eta bere albokoa, gaur goizeko agerraldian. / Marta Perez/Efe

Berria -

2014ko irailak 29 07:34

CiUko idazkari nagusi Ramon Espadalerrek Mariano Rajoyri egotzi dio Espainiako Auzitegi Konstituzionalaren "bozeramaile" izatea, epaitegi horrek Kataluniako galdeketaz hartuko duen erabakia iragarri duelakoan: "Hau ez da bidea; gure auziak elkarrizketatik behar ditu erantzunak".

Oriol Junqueras ERCko buruak ohartarazi du Espainiako Auzitegi Konstituzionalaren ezein ebazpenek ez duela Kataluniako prozesu subiranista etengo, eta zehaztu du ERC gobernuan sartzen bada galdeketa egin dadin sartuko dela. Epaitegiak galdeketa debekatzen badu ere hari eutsi behar zaiola uste du Junquerasek: "Kataluniako herriak hauteskundeetan adierazitako borondatea betetzeko gaude gu". Gainera, balizko debekuaren aurrean, desobedientzia defendatu du: "Desobedientziak bozkatzea esan nahi du".

Andoni Ortuzar EAJko presidentea ere Kataluniako prozesu subiranistaz mintzatu da Onda Vasca irratian. Uste du Masek legea beteko duela eta ez diola PPren gobernuari "inolako aitzakiarik" emango hura auzitara eramateko. Nolanahi ere, Espainiako Gorteetarako hauteskundeetan —datorren urtean dira egitekoak— PPk "zorionez" gehiengo absolutua galduko duela eta estatu eredua aldatzeko abagunea zabalduko dela espero du Ortuzarrek.

Amaiurrek, berriz, "demokrazia bahitzea" leporatu dio Rajoyri, eta Espainiako Konstituzioa "herrien espetxe" gisa deskribatu du. Xabier Mikel Errekondo Amaiurreko diputatuak esan du Espainiako legeriak ez duela "zilegitasunik" Euskal Herrian, eta bertan "prozesu konstituziogile bat" abiatzera deitu du.

Espainiako Gobernuak Kataluniako independentziari buruzko galdeketaren eta Kontsulten Legearen kontra helegiteak aurkezteko asmoa duela-eta, asmo hori babestu du Idoia Mendia PSE-EEko idazkari nagusiak. RNE irrati katean eginiko elkarrizketa batean, Mendiak esan du "espero" zitekeela Madrilen erabakia: "Argi dago: zuk eskumena ez duzunean eta eskumen hori gainditzen duen araudi bat egiten duzunean, Espainiako Gobernuak helegitea aurkeztu behar du".

Mendiak azaldu du beste batzuetan Espainiako Gobernua dela autonomia erkidegoen eskumenak urratzen dituena, eta kasu horietan erkidegoek jartzen dutela helegitea: "Joko instituzional eta demokratikoaren parte da". Gainera, salatu du EAJk "30 urte ispilu ezberdinei begira" daramatzala "Euskadiko errealitatetik ihes egiteko", eta salatu du jeltzaleek ez dutela "argitu" zertan datzan EAErako estatus politiko berri baten proposamena.

Espainian, berriz, PSOEko idazkari nagusi Pedro Sanchez izan da galdeketaren kontrako helegitearen inguruko balorazioa egin duenetako bat. Galdeketa "legezkotasunaren haustura" dela adierazi du Sanchezek, eta Espainiako Gobernuak auzitara jo izana babestu du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Usurbilgo udaletxea. ©NOAUA

Usurbilgo Sagardia plazaren izena aldatzeko exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

EH Bilduko Maddalen Iriarte eta Nerea Kortajarena aurrekontuei buruzko agerraldi batean. ©ENDIKA PORTILLO / FOKU

Oposizio taldeak adina osoko zuzenketa Jaurlaritzaren aurrekontuei

Xabier Martin

Osoko zuzenketez gain, 711 zuzenketa partzial aurkeztu dituzte EH Bilduk, Elkarrekin Podemosek eta PP+C’s-ek, 1.433 milioi eurorenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.