Albistea entzun

jugoslavia ohia

Karadzicen kontrako epaiketa, epaiaren zain

Baliteke epaileek hilabeteak behar izatea erabaki bat hartzeko. Bizi guztiko espetxe zigorra eskatu du fiskalak gerra krimenengatik, gizateriaren kontrakoengatik eta genozidio delituengatik.

Karadzic, iaz, auzitegian. /
Karadzic, iaz, auzitegian. / Michael Kooren/Efe

Jon Ordoñez Garmendia -

2014ko urriak 7 11:50

Radovan Karadzic Bosniako serbiarren buruzagi izandakoak 69 urte ditu orain, eta 11 delitu leporatuta auzipetu dute Hagan, Jugoslavia Ohirako Nazioarteko Zigor Auzitegian. Horien artean leporatu dizkiote gerra krimenak, gizateriaren kontrako krimenak eta Bosniako musulmanen kontrako genozidioa. 1992 eta 1996. urteen artean izan zen Bosniako Serbiar Errepublikako presidente, eta Srebrenica eta Sarajevoko sarraskiak leporatu dizkiote, non 20.000 musulman inguru hil zituzten.

Alan Tieger fiskalak azken hitza hartzean esan du Bosniako Serbiar Errepublikan "gerra estatu" bat ezarri zuela Karadzicek, eta helburu bakarra musulman eta kroaziarrengandik bereiztea izan zela. Karadzicek, ordea, epaiketan hori ukatu du, eta bere asmoa Bosniako serbiarren bizi-baldintzak "normalizatzea" zela adierazi du. Argudiatu du leporatzen diotena "deportazioak" direla eta ez "genozidioa". Fiskaltzak aitzakiatzat jo ditu argudio horiek, eta Bosniako gerran "milaka eta milaka genozidio ekintza" izan zirela nabarmendu du.

"Fiskaltzak dioena gezurra da", esan du Karadzicek epaiketan. Bere burua defenditzeko ardura hartu zuen, eta esan du musulman, serbiar eta kroaziarren arteko bizikidetza zuela helburu bakarra. Fiskaltzak, ordea, hori frogatzeko aurkeztutako frogak "garrantzirik gabekoak" direla esan du. Irailean bizi guztiko espetxe zigorra eskatu zuen Fiskaltzak, "epai egoki bakarra hori izan daitekeelako".

Nazio Batuen Erakundearen arabera, Bosniako Gerran 100.000 pertsona hil ziren, eta beste bi milioi deportatuak izan ziren. Epaiketan Karadzicek esan du atxilotu zuten arte ez zuela izan Srebrenican gertatu zenaren berri, eta agintean zela gehiegikeria bakar baten berri ez zuela izan. Srebrenicako sarraskia Ratko Mladicen ardura izan zela argudiatu du —Hagan ari dira hori ere epaitzen—, eta ez berea.

2008ko uztailaren 21ean atxilotu zuten Karadzic, Belgraden, eta Hagara eraman zuten. Serbiak aitortu du berak babestu izan duela urteetan Karadzic. 2009ko urriaren 26an hasi zen Karadzicen aurkako epaia, eta O-Gon Kwon epaimahaiko presidenteak esan du neurri horretako prezesurik ez dela aurretik inoiz egon.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Hainbat lagun, Israelgo armadak herenegun hil zuen palestinar baten hiletan, Beit Rema herrian, Zisjordanian. ©ALAA BADARNEH / EFE

Israelgo armadak beste bi palestinar hil ditu tiroz, Zisjordanian

Mikel O. Iribar

Jeningo errefuxiatuen kanpalekuan egin dute sarekada Israelgo indarrek. Zortzi palestinar hil dituzte 72 orduan, eta hamar astebetean. NBEk onartu egin du 2023an Nakbaren 75. urteurrena oroitzeko ebazpena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.