Noiz sortua: 2014-10-10 07:37:42

ebola

Prestakuntza eta informazio gehiago eskatu dute Osakidetzako erizainek

Espainiako Gobernuak krisia kudeatzeko batzorde berezi bat eratu du. Ebola duen gaixoa "larri baina egonkor" dago. Hamalau lagun daude erietxeratuta Madrilen, zaintzapean.

Osakidetzako erizainen elkarretaratzea. /
Osakidetzako erizainen elkarretaratzea. / Argazki Press

Berria -

2014ko urriak 10

Osakidetzako hainbat erizain eta erizain laguntzailek elkarretaratzeak egin dituzte Basurtu, Txagorritxu eta Donostiako ospitaleen aurrean, ebola duen Teresa Romero erizain laguntzaileari babesa adierazi eta informazio gehiago eskatzeko.

Basurtun, Marisol Gil SAEko ordezkariak baliabide eta prestakuntza gehiago eskatu du, ebola kasuei aurre egin ahal izateko. Horrekin batera, salatu du langileen babes jantziek "laugarren mailakoak" izan behar dutela, eta Basurtun dituztenak "hirugarren mailakoak" direla.

Juana Martinez sindikatu bereko ordezkaria Gasteizko elkarretaratzean izan da, eta, adierazi duenez, ebolaren aurkako protokoloak lehen mailako arretara bideratzea eskatu dute, hori baita osasun arretaren "lehen kate begia". Gainera, gogorarazi du erizainen laguntzaileak direla gaixoengandik gertuen daudenak; horregatik, prestakuntza gehien haiei eman beharko lieketeela iritzi dio.

Espainian, batzorde berezi bat

Madrilen, hamahiru lagun zaintzapean daude Carlos III.a ospitalean, ebola duen gaixoarekin batera. "Larri baina egonkor" jarraitzen du ebolaz kutsatutako erizain laguntzaileak. Ospitaleak atzo aurreratu zuen haren egoerak "okerrera" egin zuela azken orduetan.

Espainiako Gobernuak Ministro Kontseiluaren ondoren jakinarazi du ebola kudeatzeko batzorde berezi bat sortuko duela. Soraya Saenz de Santamaria presidenteordeak hartuko du horren ardura. Batzorde berezi horren aholkularitzarako batzorde zientifiko bat osatuko dute.

Zabalpena Afrikan

Afrikan jada 3.879 dira ebolaz hildakoak, eta 8.033 lagun kutsatu dira. Osasunaren Mundu Erakundeak emandako datuen arabera, Liberiari eragin dio bereziki, han gutxienez 2.210 baitira hildakoak. Afrikatik kanpo, ustez ebola zuen britainiar bat hil da Mazedonian.

Bien bitartean, Europako Batasuneko herrialdeek bidaiarien joan-etorria izango dute aztergai hurrengo astean. Aireportuetan bidaiariei kontrolak ezartzea aztertuko dute. Hilaren 17an bilduko da Osasun Segurtasunerako Europako Batzordea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Martin Ugalde Foroa: Euskara ere normalitaterantz?

Euskararen lekuaz normaltasun berrian, Martin Ugalde Foroan

Berria

Josu Amezagak, Idurre Eskisabelek eta Amelia Barquinek hartu dute parte Kontseiluak sustatutako mahai inguruan, Andoainen. BERRIAn osorik ikusteko aukera dago.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna