Noiz sortua: 2014-10-23 11:05:48

HEZKUNTZA

Poliziaren jazarpena salatu dute Ikasle Abertzaleek

Gogorarazi dute LOMCEren kontrako protestetan 26 lagun atxilotu eta 250 identifikatu dituztela eta berrogeiri isunak ezarri dizkietela.

Ikasle Abertzaleek Iruñean eginiko agerraldia.
Ikasle Abertzaleek Iruñean eginiko agerraldia. Idoia Zabaleta / Argazki Press

Berria -

2014ko urriak 23

Ez dute uste ikasleen aurkako jazarpena "ezer berria" denik, baina iragan ikasturteaz geroztik euren egoera "bortizki" azaleratu dela salatu dute. Martxoaren 27an egin zuten greba LOMCEren kontrako protesta nagusi gisa, eta 26 lagun atxilotu zituzten horren harira. Maiatzaren 30ean berriz jo zuten mobilizaziora, greba eguneko atxiloketak salatzeko, eta berrogei laguni isunak jarri zizkieten maiatzeko protestaren ondorioz.

Ohartarazi dute ikastetxeetan Poliziaren presentzia "neurrigabea" izan dela eta zenbait ikaslek jarraipenak jasan dituztela. Polizia etxeetan emandako tratua ere kritikatu dute.

Hala ere, "LOMCE bezalako lege arrotzen aurrean" ez direla "makurtuko" ohartarazi dute,"edozein bide zilegi" dela erantsita: "Gure alternatiba den Euskal Eskola Nazionala eraikitze bidean jardungo dugu, honako hau lortu arte".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna