Albistea entzun

Guy Poulou: Ziburuko dinastia baten azken katebegia

 

Jon O. Urain -

2014ko urriak 30 11:49

1940ko azaroaren 15ean sortu zen Guy Poulou, 2001az geroztik da Ziburuko auzapez. 2002an eta 2008an UMPrekin irabazi zituen hauteskundeak, bietan lehen itzulian, baina tirabirak izan zituen alderdian, eta aurtengo udal bozetan UMPtik kanpoko zerrenda eskuindar bat aurkeztu zuen: Aupa Ziburu.

Bigarren itzulian irabazi zituen udal bozak iragan martxoan, botoen %53 eskuratuta. EAJk Poulouren zerrenda babestu zuen, eta 29 hautetsitatik 23 ditu Poulouren zerrendak; tartean, EAJko Ipar Buru Batzarreko presidente izandako Iñaki Ibarzola.

Eneko Aldana buru zuen talde abertzaleak, berriz, Henri Duhaldeborde ezkertiarrari eman zion sostengua, eta botoen %46,53 eskuratu zituzten bigarren itzulian. Michel Poulou lehengusu zentristarekin lehiatu zen martxoko bozetan. Izan ere, herrian dinastia dira pouloutarrak; Michel auzapez izan zen 1981etik 1989ra bitartean, eta Michelen aita eta Guyren osaba Jean Poulouk 1946-1971 eta 1977-1981 urteen artean agindu zuen Ziburun.

Dentista izanik lanbidez, 2005era arte jardun zuen zeregin horretan; baita soldadutzan ere. Lehen Mundu Gerran hil zen haren aitona, Julien Poulou. Maria Jose Aranda Iturriotzekin ezkonduta dago, eta lau seme-alaba ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.