Albistea entzun

A9-aren ondorena

"Behin betiko galdeketa" egiteko, negoziatzera deitu du Masek Rajoy

Datozen egunetan erabakitzeko eskubidearen alde dauden alderdiekin bilerak egingo ditu, guztien proposamenak entzuteko. PSC ere sartu du bilera sortan. Hauteskundeak "tresna" direla gogorarazi du, baina prest agertu da horren bidez "behin betiko kontsulta" egiteko.

Ikusmin handia piztu du Masek

Jon O. Urain -

2014ko azaroak 11 08:05

Azaroaren 9an  2,3 milioi lagunek Kataluniaren etorkizun politikoari buruzko prozesu parte hartzailean botoa eman eta horietatik %80k independentziaren alde egin ostean, aurrerantzean egingo dituen urratsen berri eman du Artur Mas Kataluniako Gobernuko presidenteak.

Lehenik, plebiszitu erako hauteskundeei buruz hitz egin du. Nabarmendu du bozak "tresna bat baino" ez direla "behin betiko kontsulta" egiteko, eta eskatu du ez nahasteko tresna eta helburua. "Soluzio irudimentsuak eta, dagokionean, arriskuak hartzeko gaitasuna" eskatu ditu Masek.

Masek jakinarazi du datozen egunotan bilera bana egingo duela erabakitzeko eskubidearen alde eta Kontsulten Legearen alde egin duten indar politikoekin; beraz, CiU, ERC, PSC, ICV-EUiA eta CUPekin. Bilera horietan, azaroaren 9ko kontsultaren ostean alderdiek "behin betiko kontsulta egiteko" dituzten proposamenak entzungo ditu Masek, eta ondoren ezagutaraziko du Kataluniako Gobernuak zer egingo duen.

Horrez gain, Mariano Rajoy Espainiako Gobernuko presidenteari zuzendu zaio Mas. Gutun bat bidali dio, eta bertan esandakoak xehatu ditu. Elkarrizketarako baldintzak ezar ditzala proposatu dio, "behin betiko kontsulta" adosteko. Galdeketa hori  "ahal bada britainiar ala kanadiar erara" egin nahi du Masek; negoziatuta, alegia. Edonola ere, argitu du ez duela alderdien bilera sorta Rajoyren erantzunari itxaroteagatik etengo.

Hala ere, aitortu du "itxaropen urria" duela Rajoyren erantzunean, "politika handia" egin ordez fiskaltza "aktibatu" duelako. Rajoyk negoziatzeari uko egiten badio, Masek ohartarazi dio "tresna" [hauteskundeak] galdeketa gisa erabiliko dutela: "Auzitegi gutxiago, politika gehiago", galdegin dio.

Eraso zibernetikoak

Oztopoak izan direla nabarmendu du Masek, eta horien artean salatu du "eraso zibernetiko oso gogorrak" jasan dituela Kataluniako Gobernuko webguneak. Horrek arriskuan jarri ditu, besteak beste, herritarren historial klinikoak eta sendagaien errezeta elektronikoa: "Hori ezin dute hacker amateur batzuek egin. Beste zerbait dago".

Galdera bikoitza zenez, hainbat erantzun posible zeuden. "Katalunia estatua izatea nahi al duzu?» zen lehen galdera; eta, baietz bozkatzekotan, "Estatu hori burujabea izatea nahi duzu?". Alde handiarekin irabazi du Bai-bai aukerak: azken datuen arabera, 1.861.753 lagunek bozkatu dute independentziaren alde, orain arte parte hartu duten guztien %80k. Bai-ez %10ek bozkatu dute, eta %4,5ek, Katalunia estatua izatearen aurka.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...