Jaia
Almadien ohitura, egunaren erdigune
Mende laurdeneko ohiturari jarraituz, Almadiaren Eguna hartuko du Burgik (Nafarroa), bihar. Almadiak 11:00etan abiatuko dira, eta, Ezka ibaian behera, 12:30 aldera iritsiko dira herrira. Goizerako, hainbat jarduera prestatu dituzte: Aita Tomas Burgikoaren plazan, jolasak eta eskulangileen salmahaiak egongo dira; Almadiazainen pasealekuan, berriz, puzgarriak eta rokodromoa, goiz eta arratsaldez. Almadiaren Museoa ere irekita egongo da. Eguerditik aurrera, Erronkari gaztaren aurkezpena, bazkaria, Urrezko Almadiaren sari ematea eta euskal dantzen saioa egingo dituzte. DJ Bullek girotuko du gaua.
Iruzkinak
Ez dago iruzkinik
Ordenatu
