Beatriz Sever eta Itxasne Nuñez, Bilboko Aste Nagusiko pregoilari eta txupinera

JAIAK. Bilboko Aste Nagusia hasteko hilabete pasa falta den honetan, jakinarazi dute nortzuk izango diren jaietako protagonista nagusiak. Beatriz Severrek irakurriko du jaiei hasiera emango dion pregoia; sexologoa eta kazetaria da Sever, eta Naizen Euskal Herriko haur transexualen familien elkarteko bozeramailea. Txupinera kargua aukeratzeko, zozketa egiten da konpartsen artean, eta aurten Pa...Ya!-ri tokatu zaio; konpartsakideen artean aukeratu dute Itxasne Nuñez.