Berako maratoi erdia jokatuko da igandean

MENDI LASTERKETAK. Lasterketen egutegian sona handien duten lasterketetako bat jokatuko da igandean: Manttalek antolatzen duen Berako maratoi erdia. Lasterkariak 09:30ean abiatuko dira Berako kiroldegitik, eta 21 kilometro pasatxoko ibilbidean Manttale eta Larrun mendiak igoko dituzte. Mendi lasterkari onentsuenak elkartuko dira: Didier Zago, Fernando Etxegarai, Walter Becerra, Alizia Olazabal, Nerea Amilibia eta Oihana Kortazar, besteak beste.