Bi proposamen

SHITAKE ETA ESNEGORRI ZOPA, TIPULA ETA PORRU KARRASKATSUEKIN

Osagaiak:

• 150 g esnegorri

• 200 g shitake

• Tipulin samur bat

• 2 porru

• 2 koilarakada tipula deshidratatu

• 8 xerra ogi (integrala)

• Irin integrala

• 3 koilarakada esnegain

• Oliba olioa

• Gatza eta piperbeltza

• Moztu tipulina eta porruak xafl a mehetan, eta erregosi kazola• batean, olioarekin. Gorde porru baten zati berdea gerorako.

• Garbitu perretxikoak ongi; zatitu, eta bota kazolara. Erregosi dena, eta perretxikoek ura botatakoan, utzi beste hiru minutu egiten.

• Bota barazki salda edo ura, nahastura guztia estali arte. Irakiten hasten denean, gehitu ogi frijitua, eta utzi egosten 20 minutuz. Bota gatza eta piperbeltza, eta birrindu.

• Atera aurretik, moztu gordetako porru zatia juliana eran, pasatu irinetatik, eta frijitu.

Atera krema platerean, porru frijitua eta tipula deshidratatua apaingarri modura jarrita

SESAMOZ ESTALITAKO TOFUA, BROKOLIAREKIN ETA AZALOREAREKIN

Osagaiak:

• 500 g tofu

• 2 baratxuri ale

• Koilarakada bat jengibre

fresko, birrindua

• Koilarakada bat azukre beltz

• 5 koilarakada soja saltsa

• 100 g sesamo

• Koilarakada bat arto irin

• 2 koilarakada irin integral

• 150 g azalore

• 150 g brokoli

• 50 g anakardo zatitu

• Oliba olio birjina

• Gatza eta piperbeltza

• Moztu tofua dadotan, eta jarri ontzi batean, baratxuri xerratuekin, jengibrearekin, azukre beltzarekin eta soja saltsarekin.

• Estali, eta eduki hozkailuan 2 ordu. Nahastu sesamoa irinekin; xukatu ongi tofua, eta pasatu irin nahasturatik. Frijitu oliba olio berotan (kerik atera gabe), gorritu arte.

• Birrindu brokolia eta azalorea gazta birringailuaz, meheegi gera ez daitezen. Berotu zartagin batean 3 koilarakada oliba olio; salteatu anakardoak, gehitu azalorea eta brokolia, eta salteatu su bizitan, beste minutu batez. Atera tofua barazkien gainean, barazkiak salteatu berritan.