Andoni Egaña bertsolaria eta Xabier Lizaso piano jotzailea elkartuko dira gaur, Donostian, bertso eta musika klasikoak uztartzen dituen Bi arreba ikuskizuna taularatzeko.
Frederik Chopin (Varsovia, 1810) konpositorearen musika eta Frantzisko Petrirena Rekondo Xenpelar (Errenteria, 1835) bertsolariaren bertsoakelkartzen dituzte ikuskizunean. Izan ere, bi sortzaileek gauza askotan antza zutela uste du Egañak: biak garaikideak ziren, berritzaileak, nazio eta hizkuntza ukatu banako biztanleak ziren, eta biak hil ziren gazte, Chopin 39 urterekin, eta Xenpelar 34rekin. Hilzorian zirela, aldamenean izan zituzten arrebak, eta horiek erabili dute Egañak eta Lizasok ikuskizuna egituratzeko.
Lizasok Chopinen piezak joko ditu, eta Egañak Xenpelarren bertso jarriak kantatuko ditu. Horrez gain, Egañak ikuskizun horretarako sortutako bertsoak kantatuko ditu. Horrez gain, Donostian daudela kontuan hartuko dute, eta bertso zein doinuak gehituko dizkiote ikuskizunari.
Bertsozale eta pianozaleentzako emanaldia izan nahi du saioak: lehenak, pianoaren doinuekin harritzeko, eta bigarrenak, Xenpelarren bertsolaritzaren maila gertuagotik ikusteko.
'BI ARREBA', ANDONI EGAÑA ETA XABIER LIZASO
Noiz. Gaur, 19:30ean.
Non. Larrotxenekultur etxean, Donostian.
Chopin-Xenpelar, Egaña-Lizaso
Bertso eta piano klasikoak batuko dituzte gaur Donostian, 'Bi arreba' ikuskizunean
Iruzkinak
Ez dago iruzkinik
Ordenatu
