EuroBasque 2017 saria, Olatz Arrietarentzat

GASTEIZ. Europako Mugimenduaren Euskal Kontseiluak Olatz Arrietari —ETBk Bruselan duen berriemaileari— emango dio EuroBasque 2017 Kazetaritza saria, Trump , amesgaizto amerikarra liburuan idatzitako artikulu bategatik. Liburu hori BERRIAk, Elkarrek eta Jakin-ek argitaratu zuten iaz —BERRIAren dendan eros daiteke—. Artikuluan, Europaren eta AEBen arteko harremanak aztertu zituen Arrietak —hamahiru urtez AEBetako berriemaile aritu zen—. Maiatzaren 9an emango diote saria, legebiltzarrean.