Euskalerria irratiak bere 25. urtebetetzea ospatu eta lizentzia eskatzeko gala berezia antolatu du gaurko Atarrabiako Kultur Etxean. 20:00etan hasiko da gala, eta bertara gerturatu ezin duenak Internet bidez jarraitu ahalko du irratiko webgunean zein Berria.info-n. Beste zenbait webgunetan ere emango dute.
Elkarrizketak, lehiaketak eta zuzeneko musika uztartuko dituzte jaialdian. Musika honako hauek jarriko dute, unplugged: Gorka Urbizu (Berri Txarrak), Ruper Ordorika, Kerobia eta Balerdi Balerdi. El Drogasek ere parte hartu behar zuen, baina gaixotu egin da eta ez da galan izango.
Euskalerria irratiko kideek honako mezu hau helarazi nahi diete entzuleei galaren harira: «25 urte daramatzagu Iruñeko dialean zuen baimenarekin. Zuekin batera ospatu nahi dugu. Zuekin batera aldarrikatu nahi dugu. Zatozte!».
Solasaldi ziklo bat
Urteurrenaren harira, solasaldi ziklo bat ere antolatu du irratiak. Aurreneko solasaldia hilaren 22an egingo dute Kirmen Uriberekin. Hurrengo hilabeteetan «itzal handiko» solaskideak gonbidatuko dituzte.
Komunikazioa
Euskalerria irratiko gala 'Berria.info'-k emango du gaur, 20:00etan
Lizentzia eskatzeko urtebetetze jaian ariko dira Gorka Urbizu, Kerobia, Balerdi Balerdi eta Ruper Ordorika
Iruzkinak
Ez dago iruzkinik
Ordenatu
