Film sinopsiak

'Alliés'

Zuzendaria: Robert Zemeckis. Aktoreak: Brad Pitt, Marion Cotillard, Lizzy Caplan. Iraupena: 121 minutu. Generoa: Thrillerra, erromantikoa. Herrialdea: AEB. Urtea: 2016. Jatorriko izenburua: 'Allied'.

Casablanca (Maroko), 1942. Max Vatan (Pitt) aliatuen alde dabil espioi. Erresistentziako kide Marianne Beausejour (Cotillard) ezagutuko du misio arriskutsu baten ondoren. Elkarrekin maiteminduko dira; ezkondu, eta Londresera joango dira bizitzera. Baina Vatani nagusiek esango diote litekeena dela emaztea nazien espioia izatea.

'Une vie'

Zuzendaria: Stephane Brize. Aktoreak: Judith Chemla, Jean-Pierre Darroussin, Yolande Moreau. Iraupena: 119 minutu.Generoa: Drama. Herrialdea: Frantzia. Urtea: 2016.

Normandian (Frantzia) gertatzen da istorioa, 1819. urtean. Jeanne Le Perthuis komentutik atera berri da, ikasketak amaitu ondoren. Amets asko ditu emakume gazteak, baina Julien de Lamare bizkontearekin ezkonduko da. Laster ikusiko du senarra bortitza dela eta engainatzen duela. Gaztetako ilusioak galtzen hasiko da.