FORUEN PLAZA, HERRI KIROLEN TXOKOA

Ohiturari jarraituz, Iruñeko Foruen plaza herri kirolen txoko bilakatu da sanferminak hasi zirenetik. Han egin dute bat, egunero, herri kirolak gustuko dituzten herritarrek eta bisitariek. Atzoko saioan, txinga eroate txapelketaz gain, aizkolariek erakustaldia egin zuten, eta haurrek ere izan zuten herri kirolekin ongi pasatzeko aukera. Haientzako prestatutako probetan parte hartu ahal izan zuten. Gaur Iñaki eta Inaxio Perurena harri-jasotzaileak ariko dira.