'Gaztezulo'-ren bideo lehiaketako deialdia, martxan

DONOSTIA. Hamargarren urtez, Gaztezulo aldizkariak bideo lehiaketa antolatu du. Maiatzaren 24a baino lehen aurkeztu behar dira bideoak —oinarriak aldizkariaren webgunean daude—. Epaimahaia aurten Eneko Sagardoi eta Itziar Ituño aktoreek eta Maider Oleaga zinemagileak osatuko dute. Bideorik onenaren egileak 1.200 euroko saria irabaziko du.