Giro bikaina Azpeitian

Urtarrilaren 19an gauean eta 20an egun osoan danbor hotsak izango dira nagusi Azpeitian, eta giro ederra egongo da herriko kaleetan. Aurten, 1.500 lagunetik gora izango dira sansebastianetan parte hartzen, Eneko Etxeberria alkateak aurkezpenean esan zuenez, urtarrilaren 15ean. «Horrek adierazten du gero eta gureago direla festa hauek».

Alkartasuna eta Zezenzaleak taldeek 50 urte egingo dituzte sansebastianetako helduen danborradan jotzen. Zokoak eta Sanjuandegik, berriz, 25 urte. San Sebastian bezperan, gauerdian, Azpeitiko Udalak urteurren oroigarri bat emango die lau elkarteei.

Halaber, aurtengo haurren danborradako karrozak Ignacio Agirre (1922-2014) omenduko du, 37 urtean Azpeitiko sansebastianetako karrozaren egilea eta bultzatzailea. Naiara Larrañaga Agirre da karrozaren egilea.

Azpeitiko San Sebastian jaiei buruzko informazio gehiago, www.azpeitia.eus helbidean.