Azaroa iristearekin batera, 2026ko bideojokorik handienak ere iritsiko dira. Bideojokozaleek ondo baino hobeto ezagutzen dituzte erregeak izango direnak. Batetik, Grand Theft Auto VI: azken urte luzeetako titulurik desiratuena. Bestetik, The Legend of Zelda: Ocarina of Time: hura berreginda, nostalgiaz gainezka egingo duen maisulana berreskuratu du Nintendok.
Ez dira bakarrak, zorionez, askotariko joko handi eta txikiak ikusiko baitira azaroan. World of Warcraft-en Forever edukiarekin, atzera egingo dute Blizzardekoek. Warhammer Survivors-ek, Poncle garatzaileak abiarazitako eromena 40K unibertsora dakar. Joko atseginagoak nahi dituztenak Tanuki: Pon’s Summer koloretsuan ibili ahalko dira; gainera, Switch 2 kontsolaren erabiltzaileek Metaphor: ReFantazio eta Pikmin 4 eraberrituak jasoko dituzte.
