Hainbat diziplinatako artisten lanekin erakusketa egingo du Hatsa elkarteak

ERAKUSKETA.Hatsaren Poesia olerki liburuan diziplina askotako artistek parte hartu dutela baliatuta, erakusketa bat antolatu du Hatsa elkarteak; Senpereko (Lapurdi) Larraldean jarriko dute, abuztuko lehen hiru asteburuetan. Besteak beste, margolari, argazkilari, abeslari, zizelkari, musikari eta antzerkilari zenbaiten lanak izango dira ikusgai. Horrez gain, liburu aurkezpenak eta beste egingo dituzte.