Iban Arantzabal, Goiena taldeko zuzendari berria

Iban Arantzabal (Elgeta, Gipuzkoa, 1975) izendatu dute Goiena taldeko zuzendari nagusi, Inazio Arregiren ordez. Goienaren sorreratik taldearen Interneteko ardura izan du Arantzabalek. Une honetan, berriz, ikus-entzunezkoen zuzendaria zen. Joxe Arantzabalek Goiena.net/blogak/faroa blogean eman du berria: «Sinistuta nago Ibanek goren gradura eramango duela Goiena, orain arteko bideari segida emanda». Iban Arantzabal Sustatu.com-eko editore izan zen bost urtetan, Espaloia kafe antzokiko presidentea da eta Ahotsak.com-eko partaidea.