Israelen protesta, TVEk saio bat kentzeagatik

TELEBISTA. Israelek Madrilen duen enbaxadak protesta gutuna idatzi dio RTVEren zuzendaritzari, TVEk Españoles en el mundo saioaren atal bat saretik kendu duelako. Jerusalemen bizi diren espainiarrak agertzen ziren erreportajean, baina soilik auzo israeldarretakoak. Horrek dozenaka protesta eragin ditu, eta TVEk saioa kentzea erabaki zuen. Telebista publikoak «pentsamendu terrorismoaren» menpe erori dela dio enbaxadak gutunean.