Javier Ortiz kazetaria omenduko dute

DONOSTIA. Javier Ortiz kazetariaren heriotzaren hamargarren urteurrena dela eta, haren senideek, lagunek eta Donostia Kulturak omenaldi bat antolatu dute. Maiatzaren 10ean, kazetariaren zutabeen eta artikuluen antologia bat aurkeztuko dute, Donostian. Hurrengo egunean, torturari buruzko mahai inguru bat egingo dute, eta José K, torturado antzezlana ikusi ahalko da.