Joxe Mari Olasagasti, David de Jorge eta Kupela Taldea izango dira Mahasti Jaunak

Ohiturari jarraituz, uztaren aurkezpena hainbat lagun omentzeko baliatuko dute. Joxe Mari Olasagasti herri kirolaria, David de Jorge sukaldaria eta Kupela taldea Mahasti Jaun bilakatuko dira bihar. Txapel andana irabazitakoa da Olasagasti. Gizon probalaria, korrika, harria, txinga zein segarekin ibilitakoa,gazte zelarik egin zuen lehenengo plaza aizkorarekin. Ordutik hamaika erronkatan parte hartu du. Telebistako izarra bilakatu da David de Jorge sukaldaria. Sukaldari onenekin lan egindakoa da. Sukaldean aparta izateaz gain, kameren atzean ederki komunikatzen du. Kupela taldea Zabale, Larrañaga eta Berastegik osatzen dute. Hiru disko dituzte kalean eta txakolina gustuko du taldeak. Pagotxa diskoko Txakoliña abestiak Getariako ardo zuria goraipatzen du.